U armianskim horadzie Hiumry zdaryłasia pjanaja bojka pamiž rasijskimi vajskoŭcami, paviedamlaje News.am.
Jak adznačajecca, u noč na 30 lipienia ŭ palicejski adździeł ź miedycynskaha centra Hiumry pastupiŭ sihnał ab tym, što da ich dastavili mužčynu ŭ stanie ałkaholnaha apjanieńnia. Jamu dyjahnastavali čerapna-mazhavuju traŭmu, padazreńnie na strasieńnie mazhoŭ, hiematoma i siniaki.
Krychu paźniej pastupiŭ sihnał ab jašče adnym pjanym paciarpiełym. Vyśvietliłasia, što abodva mužčyny źjaŭlajucca rasijskimi vajskoŭcami, jakija pasvarylisia ŭ dvary internata i ŭčynili bojku.
