Ministerstva zamiežnych spraŭ Słavakii vykazaŭ zaniepakojenaść z nahody taho, što rasijski nacyjanalistyčny bajkierski kłub «Načnyja vaŭki», blizki da Pucina, maje bazu pablizu Bracisłavy.
Tak vyhladaje baza zvonku. EVN skrynšot.
Na bazie, raźmieščanaj u miastečku Dolna Krupa za 70 kiłamietrach ad słavackaj stalicy, šmat staroj vajskovaj techniki. Rasiejski ŭrad nazvaŭ bazu «Jeŭrapiejskaj štab-kvateraj» «Načnych vaŭkoŭ».
Heta bajkierskaja hrupoŭka znachodzicca pad sankcyjami ZŠA pa abvinavačvańni ŭ vajennaj padtrymcy prarasiejskich bajevikoŭ va Ukrainie.
Pres-sakratar MZS Słavakii Pieter Susko zajaviŭ bbc.com, što za dziejnaściu «Načnych vaŭkoŭ» buduć «pilna sačyć». «My dumajem, što ŭpłyŭ ich členaŭ škodny, asabliva z punktu hledžańnia raspaŭsiudu ich pohladaŭ, bo jany imknucca pierapisać historyju», - adznačyŭ jon.
Na prośbu ŭdakładnić, jakija mienavita supiarečlivyja dumki prapahandujuć bajkiery, čynoŭnik pryvioŭ prykład: «Što Krym rasijski, što Stalin źjaŭlajecca hierojem, a NATA kryminalnaja hrupoŭka».
Słavackija prychilniki bajkieraŭ
Słavakija źjaŭlajecca siabram NATA i ES. Jak častka Čechasłavakii kraina była sajuźnikam Maskvy padčas «chałodnaj vajny».
Słavackaja nacyjanalistyčnaja hrupa NV Europa pad kiraŭnictvam Jozefa Hambaleka źjaŭlajecca sajuźnikam «Načnych vaŭkoŭ» i dała im bazu. Na minułym tydni jany pahražali žurnalistam radyjo «Svaboda», jakija zdymali bazu zvonku.
Rasijskija bajkiery kažuć, što pieratvorać terytoryju bazy ŭ muziej Druhoj suśvietnaj vajny.
Susko zajaviŭ, što «Načnyja vaŭki» nazyvajuć siabie kłubam i nie źjaŭlajucca uradavaj arhanizacyjaj, tamu ciažka ŭmiašacca ŭ situacyju praz pasolstva Rasii. «Heta padstava dla realnaj turboty, što ludzi, jakija vykazvajuć supraćlehłyja palitycy Słavakii pohlady, sprabujuć arhanizavacca na terytoryi Słavakii», - zajaviŭ pres-sakratar.
Raniej palicyja krainy zajaŭlała, što technika, jakaja znachodzicca na terytoryi bazy, nieprydatnaja dla pramoha vykarystańnia.
Chto takija «Načnyja vaŭki»
Lidar «Načnych vaŭkoŭ» Alaksandr Załdastanaŭ pa mianušcy «Chirurh» časta źjaŭlaŭsia pobač z Uładzimiram Pucinym. Časam prezident Rasiei navat jeździŭ razam z «Chirurham». U 2013 hodzie Pucin uznaharodziŭ Załdastanava hanarovym miedalom.
Urad ZŠA abvinavačvaje «Načnych vaŭkoŭ» u pramym udziele ŭ kanflikcie va Ukrainie. Załdastanaŭ trapiŭ pad sankcyi pa abvinavačvańni ŭ dačynieńni da aneksii Rasiejaj Kryma ŭ 2014 hodzie i padtrymcy separatystaŭ na ŭschodzie Ukrainy.
«Načnyja vaŭki», blizka źviazanyja z rasijskimi śpiecsłužbami, dapamahali rekrutavać bajevikoŭ dla Daniecka i Łuhanska», - havorycca ŭ dakumientach ZŠA. Taksama tam adznačajecca, što padčas aneksii Krymu «Načnyja vaŭki» brali ŭdzieł u šturmie hazavaj stancyi «Strałkovaja» i štab-kvatery ŭkrainskaha fłotu ŭ Sievastopali.
Słavacki telekanał TV Noviny paviedamlaje, što «Načnyja vaŭki» majuć 5000 členaŭ u niekalkich jeŭrapiejskich krainach, takich jak Sierbija, Rumynija, Makiedonija i Bałharyja.
