Kampanija Wargaming prezientavała na pres-kanfierencyi ŭ Minsku novuju kartu dla World of Tanks, jakaja nazyvajecca «Minsk», piša tut.by.
Kartu pradstavili ŭ ratušy na płoščy Svabody.
Nad kartaj pracavała bolš za 45 śpiecyjalistaŭ, praca išła bolš za 10 miesiacaŭ. Bolš za 95 detalizavanych abjektaŭ stvaralisia mienavita dla hetaj karty. Jaje pamier - 1 km na 1 km.
Razhladalisia roznyja łakacyi - čyhunačny vakzał, Trajeckaje pradmieście, płošča Pieramohi, ale ŭ rešcie rešt spynilisia na apošnim varyjancie. Raspracoŭščyki vybrali pieryjad 60-ch hadoŭ minułaha stahodździa, bo davajenny horad byŭ by słabapaznavalnym.
Kartu stvarali u tym liku pry dapamozie zdymka z amierykanskaha samalota-špijona, zroblenaha ŭ 1965 hodzie. Heta była samaja nahladnaja i detalizavanaja vyjava centra horada, jakuju zmahli pradastavić historyki (pamier fajła - 65 MB).
Zhodna ź lehiendaj, u horadzie prachodzić vučebnaja evakuacyja, vulicy apuścieli, nieba patruluje avijacyja. Dla aptymizacyi hulniavoha pracesu raspracoŭnikam pryjšłosia trochi adyści ad realnych pamieraŭ i adlehłaściaŭ pamiž abjektami. Naprykład, pamienšyć adlehłaść pamiž parkam Horkaha i Opiernym teatram.
Dakładnych terminaŭ źjaŭleńnia karty ŭ hulni Wargaming nie nazyvaje, ale heta pavinna adbycca da pačatku vieraśnia - Dnia horada Minska.
Faktyčna ŭsie klučavyja abjekty na karcie - nierazburalnyja, heta była pryncypovaja pazicyja raspracoŭščykaŭ.
