Mnohija źviarnuli ŭvahu, što 31 lipienia nad stalicaj, pačynajučy niedzie z 16 hadzin, amal niaspynna latali transpartnyja samaloty.
Pryčyna palotaŭ transpartnikaŭ była vielmi prazaičnaj. Jak patłumačyli «Našaj Nivie» ludzi, jakija ŭ svoj čas latali na transpartnikach, heta zvyčajnaja treniroŭka ŭ «Mačuliščach».
«Ił-76 adpracoŭvaŭ hlisadu [zachod na pasadku — «NN»] nad horadam. Heta vialiki samalot, jaki ciažka nie zaŭvažyć. Ale hlisadu jon adpracoŭvaje šmat razoŭ ciaham treniroŭki. Kali trenirujucca niekalki samalotaŭ, naprykład — try, moža padacca, što ŭ niebie sapraŭdy niaspynny kanviejer transpartnikaŭ. Heta robicca da nočy, bo adpracoŭvajucca hlisady ŭ roznych umovach bačnaści. Idealna, kali b jašče doždž pajšoŭ», — patłumačyŭ nam lotčyk.
Ministerstva abarony na pytańnie «Našaj Nivy» pakul nie adkazała, ale viadoma, što z 28 lipienia pa 11 žniŭnia adbyvajucca Mižnarodnyja vajskovyja hulni na terytoryi adrazu šaści krain: Irana, Rasii, Azierbajdžana, Biełarusi, Kazachstana i Kitaja.
IŁ-76. Fota mil.by.
