U Breście ŭłady nie dali dazvoł na praviadzieńnie ŭ parku voinaŭ-internacyjanalistaŭ 5 žniŭnia mitynhu suprać budaŭnictva pad Brestam akumulatarnaha zavoda «AjPauer».

Pra heta «Bresckaj haziecie» paviedamiŭ adzin z zajaŭnikaŭ mitynhu, pravaabaronca Raman Kiślak.

«U suviazi z praviadzieńniem zapłanavanaha raniej spartyŭnaha śviata «Desant za zdarovy ład žyćcia!», pryśviečanaha Dniu desantnikaŭ i śpiecyjalnych sił Respubliki Biełaruś, praviadzieńnie mitynhu suprać akumulatarnaha zavoda pa pakazanym vami adrasie 5 žniŭnia nie dazvalajecca», - havorycca ŭ adkazie.

Nahadajem, u praviadzieńni mitynhu 29 lipienia ŭ hetym ža parku ŭłady admovili z-za śviatočnaha kancerta tvorčych kalektyvaŭ Bresta.

Mienavita ŭ parku voinaŭ-internacyjanalistaŭ prajšło adzinaje mierapryjemstva suprać zavoda, jakoje dazvolili haradskija ŭłady. Mitynh «Brestčanki suprać śvincu» adbyŭsia ŭ kancy krasavika i sabraŭ kala 2 000 čałaviek.

Клас
Панылы сорам
Ха-ха
Ого
Сумна
Абуральна