Biełaruskaja tenisistka Viktoryja Azaranka (108-y numar suśvietnaha rejtynhu) vyjšła ŭ čverćfinał turniru katehoryi «Premjer» u amierykanskim San-Chase z pryzavym fondam 733 tys. dalaraŭ, paviedamlaje BiełTA.

U pajadynku druhoha raŭnda Azaranka pavinna była sustrecca ź siomaj rakietkaj płaniety ispankaj Harbin Muhurusoj, ale taja źniałasia z turniru i sapiernicaj biełaruski stała Hanna Blinkova (101). Viktoryja była značna macniejšaja za 19-hadovuju rasijanku i addała joj tolki adzin hiejm - 6: 1, 6: 0. Sustreča praciahvałasia ŭsiaho 59 chvilin.

Ciapier u matčy za vychad u paŭfinał Azaranka sustreniecca z amierykankaj Daniel Roŭz Kollins (42), jakaja napiaredadni vybiła sa spabornictvaŭ biełarusku Vieru Łapko (69) - 6: 1, 3: 6, 6: 1. 

Клас
Панылы сорам
Ха-ха
Ого
Сумна
Абуральна