Ptušak, jakija tanuli ŭ race, zaŭvažyli miascovyja žychary, jakija pierachodzili cieraz most nad rečkaj, paviedamili Intex-press u Lachavickim RANS. Pra ptuškach, jakija trapili ŭ niebiaśpieku, minaki adrazu ž paviedamili ŭ Lachavicki RANS.
— Kali našy supracoŭniki prybyli na bierah raki, jany ŭbačyli troch busłoŭ, jakija cialopkalisia za niekalki mietraŭ ad bieraha, — raspaviali ŭ Lachavickim RANS. — Ptuški ŭžo amal stracili siły, na pavierchni byli tolki hałovy ź dziubami, a bić kryłami, kab nie syści pad vadu, jany ŭžo praktyčna nie mahli.
Supracoŭniki MNS zajšli ŭ vadu i vynieśli busłoŭ na bierah. Paśla hetaha ich advieźli na miascovuju vieterynarnuju stancyju, dzie jany zastanucca da zaŭtra.
«Paciarpiełyja» — heta chutčej za ŭsio maładoje patomstva busłoŭ, jakoje jakraz ciapier vučycca latać. Na akvatoryju rečki ptuški, vierahodna, pryziamlilisia pamyłkova, pierabłytaŭšy jaje z bałotam, adznačyli ŭ Lachavickim RANS.
Fota: Lachavicki vieśnik http://www.lves.by/
Fota: Lachavicki vieśnik http://www.lves.by/
Fota: Lachavicki vieśnik http://www.lves.by/
Fota: Lachavicki vieśnik http://www.lves.by/
