Viciebskaj vobłaści para padymacca za košt ułasnych resursaŭ. Ab hetym Alaksandr Łukašenka zajaviŭ siońnia ŭ čas rabočaj pajezdki ŭ Miorski rajon, paviedamlaje BIEŁTA.
«Davajcie budziem zychodzić z taho, što jość. Para Viciebskaj vobłaści padymacca na nohi za košt taho, što ŭ jaje tut skancentravana», - padkreśliŭ Alaksandr Łukašenka.
Kiraŭnik dziaržavy adznačyŭ, što siejać nieabchodna tyja kultury, jakija dajuć najbolšy ŭradžaj u isnujučych umovach. «Tut kožny rajon pavinien vyznačycca, zychodziačy z klimatyčnych umoŭ, prosta zvyčki ludziej, što siejać», - dadaŭ Łukašenka.
Asablivuju ŭvahu jon źviarnuŭ na raźvićcio žyviołahadoŭčaj haliny ŭ rehijonie i zabieśpiačeńnie haspadarak nieabchodnym abstalavańniem. Alaksandr Łukašenka pryvioŭ u prykład kałhas «Radzima» ŭ Białynickim rajonie (Mahiloŭskaja vobłaść), dzie stvaryli prostyja, ale maksimalna spryjalnyja ŭmovy dla žyviołahadoŭčaj dziejnaści.
