Fota: Delfi.
«Padčas analizu NCK vyśvietliŭ, što hadžet pa kanałach šyfravanaj suviazi rehularna padklučajecca i padtrymlivaje aktyŭnaje złučeńnie z 11 unikalnymi IP-adrasami (ź jakich 10 naležać Rasii). Pieradača danych ažyćciaŭlajecca cyklična», — havorycca ŭ dakładzie centra.
Jon pa-raniejšamu rekamienduje, kab litoŭskija hramadzianie nie karystalisia hetym hadžetam, paviedamlaje BNS.
Jak śćviardžaje centr, hadžet Yandex.Taxi taksi patrabuje dostup da vialikaj kolkaści kanfidencyjnych danych karystalnikaŭ i dazvołaŭ na vykarystańnie funkcyj pryłady.
Analiz pakazaŭ, što hadžet zrobleny jakasna, dobra aptymizavany, dla pieradačy danych vykarystoŭvaje zašyfravanyja kanały, standartnyja party pratakołaŭ.
Tym nie mienš, NCK śćviardžaje, što Yandex.Taxi maje mahčymaść u luby čas pa šyfravanych kanałach suviazi padłučacca da roznych adrasoŭ u roznych rehijonach Rasii, niezaležna ad taho, ci znachodzicca hadžet u režymie čakańnia abo ŭ aktyŭnym režymie.
Centr papiaredžvaje, što z dapamohaj škodnasnych prahram možna vykraści ŭ ludziej hrošy i kanfidencyjnuju infarmacyju, špijonić, šantažavać raskryćciom asabistaj infarmacyi, adpraŭlać SMS-paviedamleńni pavyšanaha taryfu za košt uładalnika pryłady, vykarystoŭvać pryładu dla raspaŭsiudžvańnia virusa abo spamu, vykanańnia inšych kibieratak.
Palicyja biaśpieki Estonii raić pry vykarystańni prahramy Yandex.Taxi uličvać, što sabranaja z dapamohaj prahramy infarmacyja adpraŭlajecca ŭ rasijskija sierviery.
