U Haradockim rajonie 79-hadovy piensijanier šeść dzion błukaŭ u lesie, paviedamlaje BiełTA. Ratavalniki znajšli jaho ŭ krytyčnym stanie.
Pra źniknieńnie viciebčuka ŭ milicyju paviedamiła dačka. Pavodle jaje słoŭ, mužčyna ŭdzień 28 lipienia syšoŭ u nieviadomym kirunku i dadomu nie viarnuŭsia. Ahlad kvatery dazvoliŭ supracoŭnikam vykazać zdahadku, što jon adpraviŭsia ŭ les, bo nie było rukzaka i humavych botaŭ. Supracoŭniki Pieršamajskaha RAUS vyśvietlili, što mužčyna adpraviŭsia na aŭtobusie ŭ Haradocki rajon i vyjšaŭ u vioscy Baraŭcy. Miascovyja žychary paćvierdzili, što bačyli ranicaj padobnaha hrybnika.
Ablot zony pošuku ažyćciaŭlaŭsia na viertalocie. Šukali jaho i z dapamohaj kvadrokoptara. Praz šeść dzion supracoŭniki Haradockaha adździeła milicyi zmahli vyjści na jaho śled. Siońnia kala 15.00 mužčynu znajšli ŭ bałocie ŭ krytyčnym stanie. Nieadkładna ŭ hetaje miesca nakiravali bryhadu chutkaj dapamohi i ratavalnikaŭ. Supracoŭniki skroź lasny huščar vynieśli na nasiłkach mužčynu da miedykaŭ, jakija dastavili piensijaniera ŭ balnicu.
