Rasijskaja artystka Alena Ściepanienka padała iskavuju zajavu suprać Jaŭhiena Pietrasiana ab padziele sumiesna nažytaj majomaści.
Kamientavać infarmacyju pra razvod 72-hadovy narodny artyst Rasii admoviŭsia. «Davajcie biez kamientaroŭ. Jakaja vam roźnica, što ŭ mianie adbyvajecca? Biez kamientaroŭ», — rastłumačyŭ Pietrasian.
De-fakta šlub artystaŭ razvaliŭsia jašče 15 hadoŭ tamu, ale jany praciahvajuć supracoŭničać jak tvorčyja asoby.
Pietrasian i Ściepanienka ažanilisia ŭ 1985 ci 1986 hodzie. Para źjaŭlajecca tvorčym tandemam i niaredka vystupaje na scenie razam.
Jak pišuć rasiejskija ŚMI, Ściepanienka pretenduje na nieruchomaść, antykvaryjat, kaštoŭnaści i inšuju majomaść koštam kala adnaho miljarda rasijskich rubloŭ (heta kala 30 miljonaŭ biełaruskich). Usiaho ŭ Pietrasiana 6 vialikich kvater u samych prestyžnych damach u centry Maskvy, a taksama vialiki zaharadny dom na 30 sotkach.
Pryčynaj razvodu ŚMI nazyvajuć pazašlubnyja suviazi Pietrasiana. Sa Ściepanienka jany nie žyvuć užo ci to 10, ci to 15 hadoŭ. Dla razvodnaha pracesu jany aboje naniali samych darahich advakataŭ Maskvy.
