Razam z servisam pošuku tannych avijakvitkoŭ Aviasales.ru raskazvajem, pa jakich banalnych i niebanalnych nakirunkach možna paśpieć źlatać hetym letam.
Kazachstan
Fota pixabay.com
Tak, adrazu voś taki pavarot. Siaredniaja Azija dla zvyčajnaha biełarusa — terra incognita ŭ tym, što tyčycca adpačynku i padarožžaŭ.
Kazachstan — dziaviataja kraina ŭ śviecie pa płoščy, šyrynia abšaraŭ jakoj adlustroŭvajecca ŭ škle chmaračosaŭ stalicy i raznastajnaści pryrodnych krajavidaŭ.
Fota flickr.com
Ajčynnaja «Biełavija» lataje ŭ stalicu Kazachstana Astanu i ŭ najbujniejšy horad hetaj krainy — Ałmaty. Jość u raskładzie rejsaŭ i inšyja nasielenyja punkty — Paŭładar, Kastanaj, ale tudy turysty jeździać redka.
Možna, viadoma, adpravicca i na ciahniku, ale kali vy cenicie čas i kamfort, to samalot — aptymalny varyjant.
Turyst moža znajści ŭ Kazachstanie varyjanty adpačynku na luby hust: prymać soniečnyja vanny na plažach Kaśpijskaha mora ci skarać hornyja viaršyni. Abo šukać spakoj u sučasnych kvartałach sa škła i bietonu. Kali ŭ vašych płanach na adpačynak nikoli nie było Kazachstana, to samy čas pra heta padumać!
Kipr
Fota goodfreephotos.com
Užo daŭno adno ź lubimych miescaŭ adpačynku biełarusaŭ. Ale pierad tym, jak lacieć na vostraŭ, varta ŭličyć niekalki momantaŭ.
Terytoryju mižziemnamorskaj vyspy kantralujuć adrazu niekalki dziaržaŭ: Respublika Kipr, Turcyja i Vialikabrytanija. I kali ŭ brytancaŭ na Kipry raźmieščany vajennyja bazy (haściam tam naŭrad ci buduć rady), to dźvie inšyja dziaržavy aktyŭna raźvivajuć turyzm.
Dla padarožža ŭ Paŭnočny Kipr viza nie spatrebicca, a voś u paŭdniovuju častku vostrava bieź jaje nie patrapić. Karotkaterminovuju vizu možna aformić u konsulstvie Kipra ŭ Minsku. Pryjemny bonus: pry najaŭnaści šenhienskaj vizy heta rabić nie treba.
Fota goodfreephotos.com
Pramym rejsam ź Minska možna palacieć u Łarnaku. Usiaho try z pałovaj hadziny — i vy amal na mory. Asnoŭnyja kurorty Kipra — heta Aja-Napa, Łarnaka, Limasoł, Pafas, Prataras i Kirenija. U kurortny siezon na Kipr taksama lotajuć čartarnyja rejsy.
Turcyja
Fota pixabay.com
Banalščyna, skažacie vy. My ž nazaviom heta kłasikaj. Tysiačy biełaruskich turystaŭ štohod abirajuć tureckija kurorty, tamu što Turcyja — heta, badaj, najlepšyja suadnosiny koštu i jakaści. Da taho ž siudy nie patrebnaja viza.
Turcyja abmyvajecca čatyrma morami, na bierazie jakich raźmieščany tysiačy hatelaŭ. Akramia taho, Turcyi dastałasia bahataja spadčyna roznych kultur i cyvilizacyj.
Fota flickr.com
Pieravažnaja bolšaść turystaŭ asabliva nie chvalujecca nakont avijabiletaŭ, pakolki biare pucioŭki, dzie ŭ all-inclusive uvachodzić nie tolki ježa i vypiŭka, ale i pieralot. Ale kali vy lubicie ŭsio płanavać samastojna, to na aviasales.ru možna znajści tannyja avijakvitki.
Uličvajcie, što rehularnyja pramyja rejsy ź Minska jość tolki ŭ Stambuł — tudy latajuć jak «Biełavija», tak i Tureckija avijalinii. Na kurorty taksama jość čartarnyja pieraloty, jakija arhanizoŭvajuć turfirmy.
Bałharyja
Fota pixabay.com
Trapić u Bałharyju možna, kali ŭ pašparcie staić šmatrazovaja šenhienskaja viza. U kaho jaje niama, daviadziecca adkryvać nacyjanalnuju bałharskuju. Ź joj zvyčajna nijakich prablem nie ŭźnikaje: bałhary achvotna dajuć paŭhadavuju, navat kali vy nikoli raniej nie byli ŭ ich krainie.
Pa bałharskaj vizie možna źjeździć u Charvatyju ci Rumyniju, jakija hetak ža, jak i Bałharyja, uvachodziać u Jeŭrasajuz, ale pakul nie ŭvachodziać u šenhienskuju zonu.
Bolšaść turystaŭ dabirajucca da Bałharyi na samalocie. Mižnarodnyja aeraporty jość u Safii, Płoŭdzivie, a taksama Varnie i Burhasie, kudy lataje «Biełavija». U letni čas da ŭsiaho jość i vialikaja kolkaść čartarnych rejsaŭ.
Fota maxpixel.net
Bałharskaja infrastruktura — heta, viadoma, nie Turcyja, ale kurorty aktyŭna raźvivajucca. Adpačynak u Bałharyi — heta malaŭničyja hory, Čornaje mora z šyrokimi plažami, minieralnyja krynicy, a taksama kulturnyja i pryrodnyja słavutaści.
Čarnahoryja
Fota maxpixel.net
Adpačynak u Čarnahoryi staŭ papularnym u biełarusaŭ paśla taho, jak u 2009 hodzie było padpisana pahadnieńnie ab uzajemnych biaźvizavych pajezdkach. Ciapier hramadzianie Biełarusi mohuć svabodna padarožničać pa Čarnahoryi na praciahu 30 dzion. Adnak pry hetym abaviazkova mieć turystyčny vaŭčar, jaki, ułasna, i paćviardžaje metu vizitu.
Jość i jašče adno važnaje ŭdakładnieńnie. Kali vy zachočacie adpravicca suchaputnym transpartam, to spatrebicca šenhienskaja viza dla prajezdu pa terytoryi Jeŭrasajuza. Tamu samalot — najlepšaje rašeńnie, kali chočacie aščadzić čas na darohu i vizavyja farmalnaści.
Padarožničajcie, adkryvajcie dla siabie novyja krainy i napramki — praviadzicie apošni letni miesiac jarka!