Usie rejsy admianili ŭ Mižnarodnym aeraporcie Sietł-Takoma ŭ ZŠA paśla taho, jak pasažyrski samalot uźlacieŭ biez dazvołu, piša bbc.com.
U administracyi zajavili, što supracoŭnik avijakampanii ździejśniŭ «niesankcyjanavany ŭźlot» biez pasažyraŭ na borcie. Paźniej paviedamili, što samalot upaŭ u mora.
Jak paviedamiła ŭpraŭleńnie šeryfa, heta nie byŭ terakt. Samalot skraŭ 29-hadovy mužčyna, imia jakoha pakul nie raskryvajecca, z metaj ździejśnić samahubstva.
Pieradajuć taksama, što ŭ nieba padniali źniščalniki VPS paśla taho, jak samalot biez dazvołu pakinuŭ aeraport.
Madel samalota - Horizon Air Q400. U zaležnaści ad kanfihuracyi, hety samalot moža mieć da 78 miescaŭ.
Videa, na jakim bačna, jak jon kružyć pablizu aeradroma ŭ štacie Vašynhton, apublikavali ŭ sacyjalnych sietkach.
Ciapier aeraport pracuje ŭ zvyčajnym režymie.
