«Biełarusy, hodzie vam svaich ža «palivać»! — taki vodhuk źjaviŭsia na sajcie «Našaj Nivy» pad infarmacyjaj «Na adkryćcio sekand-chenda ŭ Hrodnie čarhu zajmali ažno ź viečara VIDEA».
«ZVYČAJNYJA ludzi, jakija jość paŭsiul. Ja nahledziełasia na takich zvyčajnych i ŭ bahatych i ŭ biednych krainach. Ale nidzie, padkreślivaju, nidzie nie sustrakała takoj hreblivaści da svaich «sirych» suajčyńnikaŭ z boku tych, chto ličyć, što «varušyć» mazhami trochi bolej, — piša naša čytačka Vieta, jakaja žyvie ŭ Aŭstryi. — Tak što admietnaja rysa biełarusaŭ palahaje zusim nie ŭ pošuku «chalavy», «durniaka», a ŭ pychlivym staŭleńni da tych, chto nie adpaviadaje niejkamu subjektyŭnamu «standartu». Nacyja «pinskaj šlachty» — maŭlaŭ, ja bolš vysakarodny. Ahidnaja miestačkovaja pychlivaść, sacyjalnyja sietki i hramadskaje žyćcio prosta pierapoŭnienyja! A vy žadajecie lepšaha žyćcia. Apošnim časam zhadvajem pra jaŭrejaŭ, sa mnohimi mieła pryjacielskija adnosiny. Dobra viedała ich u pobycie. Nu nie pamiataju, kab jaŭrej niechtavaŭ jaŭrejem. «Razborki» zdaralisia, ale zusim na inšaj hlebie i biez prynižeńnia čałaviečaj asoby», — piša nam Vieta.
A što dumajecie vy? Ci doŭha jašče budzie spraviadlivaj prykazka «Biełarus biełarusu biełarus»? Abmiarkoŭvajcie ŭ kamientach!
