U subotu biełarusy Ńju-Jorka i susiednich štataŭ Piensilvanija i Ńju-Džersi sabralisia na Junian-Skver u Ńju-Jorku, kab vykazać svaju padtrymku biełaruskim niezaležnym žurnalistam, paciarpiełym ad pieratrusaŭ i zatrymańniaŭ na minułym tydni. Akcyja ź bieł-čyrvona-biełymi ściahami i płakatami ŭ centry Ńju-Jorka pryciahnuła da siabie ŭvahu: minaki prypynialisia, kab pačytać płakaty i razabracca ŭ sutnaści taho, što adbyvajecca.
Na zakančeńnie mitynhu prysutnyja praśpiavali biełaruski himn ''Mahutny Boža'' na słovy Natalli Arsieńnievaj dy inšyja biełaruskija patryjatyčnyja pieśni ŭklučna z ''Hraj'' Lapisaŭ. Mitynh arhanizavali Biełaruska-amierykanskaje zhurtavańnie ''Pahonia'' i aktyvisty hrupy ŭ fejsbuku ''Biełarusy ŭ ZŠA. Razam lahčej''.
