Na bazie adpačynku «Valeryja».
Biełarus, jaki adpačyvaŭ na bazie «Valeryja» ŭ Koblevie Mikałajeŭskaj vobłaści va Ukrainie, pakončyŭ z saboj, pierarezaŭšy horła kavałkam škła.
Jak raspaviali «Našaj Nivie» supracoŭniki bazy adpačynku, 29-hadovy biełarus Dźmitryj ŭviečary 10 žniŭnia pačaŭ pavodzić siabie nieadekvatna. Kala 19:00 jon začyniŭsia ŭ aŭtamabili i sprabavaŭ rezać sabie vieny.
Siabry stali jaho supakojvać. Jon pahadziŭsia vyjści z mašyny. Ale potym z raźbiehu raźbiŭ hałavoj akno doma, schapiŭ kavałak raźbitaha škła i na vačach va ŭsich razanuŭ im sabie pa horle. Daktary «chutkaj dapamohi» kanstatavali śmierć.
Jak udałosia daviedacca, ciaham apošnich niekalkich dzion biełarusy ŭvieś čas užyvali śpirtnyja napoi. A zahinuły moh znachodzicca i pad uździejańniem narkotykaŭ.
