Fota Siarhieja Hudzilina
Biełaruś i RF viaduć pieramovy ab vydzialeńni Minsku ŭ 2019 hodzie rasijskaha dziaržkredytu na $ 1 młrd, jaki budzie nakiravany na refinansavańnie źniešnich daŭhavych abaviazacielstvaŭ Biełarusi. Pra heta žurnalistam paviedamiŭ pieršy namieśnik premjer-ministra Vasil Maciušeŭski, piša TASS.
«Praca viadziecca, dastatkova kanstruktyŭnaje ŭzajemadziejańnie. My nie dramatyzujem, ale jość pytańni, i my na ich adkazvajem, — skazaŭ jon. — Naša stratehija — nie naroščvać daŭhavyja abaviazacielstvy».
Maciušeŭski udakładniŭ, što 2019 hodzie Biełaruś pavinna vypłacić $ 3,7 młrd pa źniešnich abaviazacielstvach, 50% vypłat pa zamiežnym abaviazku płanujecca refinansavać.
Dla hetaha Biełaruś taksama płanuje pryciahnuć srodki ad raźmiaščeńnia ablihacyj na kitajskim rynku i na ŭnutranym rynku krainy.
