U Minsku źmianilisia ceny na rytualnyja pasłuhi, paviedamlaje «Minsk-Novosti».

Transparciroŭka da miesca pachavańnia, jakoje znachodzicca ŭ miežach Minska, zaraz abydziecca ŭ 72,16 rubla (było 47,30 rubla). Dla pieravozki cieła za miežy stalicy prymianiajecca dvajny taryf: 1 kiłamietr — 0,84 rubla (było 0,60 rubla) i 1 hadzina — 31,84 rubla (było 16,10 rubla).

Taryfy na kapańnie mahiły zaležać ad siezonu i sposabu. Pry hetym novy dakumient dapoŭnieny pasłuhaj, jakaja ŭličvaje ścisnutyja ŭmovy.

U zimovy čas kapańnie mahiły ŭručnuju (rydloŭkami, z častkovym prymianieńniem łoma) aceńvajecca ŭ 231,44 rubla (było 89,70 rubla); taksama pry kapańni ŭručnuju, ale ŭ miežach aharodžy albo pamiž nadmahilnymi pomnikami, ustalavanymi na ŭčastku dla pachavańnia (u ścisnutych umovach), — 297,61 rubla; miechanizavanym sposabam — 72,71 rubla (Było 36,40 rubla).

U letni čas kapańnie mahiły ŭručnuju budzie kaštavać 63,75 rubla (było 42,50 rubla), u ścisnutych umovach — 79,44 rubla; miechanizavanym sposabam — 56,08 rubla (było 28,40 rubla).

Клас
0
Панылы сорам
0
Ха-ха
0
Ого
0
Сумна
0
Абуральна
0