Žycharka Łojeva Alesia Faminych u pačatku žniŭnia trapiła ŭ špital z apiendycytam. U hety čas ułady zabrali jaje 3-miesiačnaje dzicia, jakoje dahladała babula. Pa słovach Alesi, padstavaj dla hetaha pasłužyli niaspraŭnaja hazavaja plita i adsutnaść vady ŭ pryvatnym domie.
Alesia Faminych razam z babulaj.
Maładaja maci nie znachodzicca ŭ šlubie z baćkam małoha, jaki rehularnaje vypivaje. Da dekretnaha adpačynku Alena pracavała prybiralščycaj u miascovym rajpo, atrymlivała 200 rubloŭ. Pravieści vadu i adramantavać plitu na takuju zarpłatu i piensiju babuli ciažka.
Žančyna źviarnułasia da pravaabaroncaŭ. Jany adznačajuć, što niahledziačy na ciažkaje stanovišča siamji, žančyna nie złoŭžyvaje śpirtnym, da naradžeńnia pracavała, a ciapier joj pierastali płacić navat dekretnyja.
Čynoŭniki patrabujuć, kab jana nieadkładna znajšła pracu, a pravaabaroncy ličać, što rašeńnie słužby apieki abaviazkova pavinna prajści sudovuju pravierku.