flickr.com
Na mižnarodnaj kanfierencyi ŭ Vilni ministr zamiežnych spraŭ Litvy Linas Linkiavičus źviarnuŭ uvahu na hadavinu akupacyi Prahi i vajny suprać Hruzii — pa jaho słovach, «tyja ž samyja instrukcyi», a taksama «tyja ž samyja tanki, tyja ž samyja mietady zadušvańnia svabodnaj voli» vykarystoŭvajucca i ŭ Krymie, i na ŭschodniaj Ukrainie, piša Delfi.lt
«Sumna, što našy susiedzi atrymlivajuć asałodu ad biespakaranaści, adsutnaści ŭstojlivaści, praciahvajučy palityku, jakaja, jak ja ŭžo nahadaŭ, praciahvałasia 50 hadoŭ, vykarystoŭvajučy tyja ž samyja instrukcyi. Ciapier, kali my adznačajem hadavinu inšych padziej, vysyłak, abumoŭlenych paktam Rybientropa-Mołatava 1939 hoda, važna skazać znoŭ toje, što ja časam kažu: Mołataŭ ŭsio jašče žyvy i čakaje svajho Rybientropa», - skazaŭ ministr.
23 žniŭnia 1939 hoda Niamieččyna i SSSR tajemna damovilisia ab padziele Uschodniaj Jeŭropy. Hety padzieł atrymaŭ svaju nazvu pa imionach tahačasnych ministraŭ zamiežnych spraŭ Hiermanii i SSSR Iachima fon Rybientropa i Viačasłava Mołatava.
Ł. Linkiavičus taksama skazaŭ, što Zachadu treba pastajanna nahadvać sabie pra niedachop lidarstva pry reahavańni na vykliki, a nie prosta «refleksavać z nahody paradku dnia, naviazanaj kimści inšym».
