Na hetych vychodnych vyjšła biełaruskamoŭnaja «Biblija dla dziaciej» dla smartfonaŭ. Prahrama ad kampanij YouVersion i OneHope, jakuju ŭžo spampavali 10 miljonaŭ čałaviek pa ŭsim śviecie, ciapier dastupnaja i biełarusam dla iOS i Android pryładaŭ.
Prahrama zroblena jak padarožža z sorak adnoj animavanaj interaktyŭnaj historyi. Dzieci zmohuć prajści šlacham pryhodaŭ viadomych biblejskich piersanažaŭ. Usie hutarki hierojaŭ hulni ahučany na biełaruskuju movu akcioram Kupałaŭskaha teatra Paŭłam Charłančukom. Pierakład i zapis zrabiła kampanija Kinakonh.
Hulnia raźličana na dziaciej 6-8 hod. Spampavać hulniu možna praz Play Store ci pa spasyłcy.
Kab pieraklučyć prahramu na biełaruskuju viersiju, treba zajści ŭ punkt «Settings», padpunkt «Language».
