Rasija nie zhodnaja z terminam «akupacyja» ŭ dačynieńni da času, kali krainy Bałtyi znachodzilisia ŭ składzie SSSR, i nie ličyć patrebnym vieści havorku ab vypłacie kampiensacyj. Pra heta zajaviŭ pres-sakratar prezidenta Rasii Dźmitryj Piaskoŭ, paviedamlaje karespandent RBK.
«My nie zhodnyja, što moža iści havorka pra niejkija kampiensacyi», — skazaŭ Piaskoŭ. Jon taksama zaklikaŭ nie zabyvać pra ŭkład, jaki padčas SSSR unieśli ŭ raźvićcio krain Bałtyi. U pryvatnaści, u infrastrukturu, ekanomiku i sacyjalnuju śfieru.
Raniej kiraŭniki ministerstvaŭ justycyi Estonii i Łatvii zajavili pra namier damahčysia ad Rasii kampiensacyi ŭronu za savieckuju akupacyju. Baki pradstavili adzin adnamu płan mahčymych dziejańniaŭ, u tym liku na ŭzroŭni AAN.
U 2016 hodzie śpiecyjalna stvoranaja kamisija acaniła stratu, naniesienuju ekanomicy Łatvii padčas akupacyi SSSR, u €185 miljardaŭ.