Prezident Mižnarodnaha alimpijskaha kamiteta (MAK) Tomas Bach paviedamiŭ, što arhanizacyja była vielmi blizkaja da rašeńnia ab admienie zimovaj Alimpijady-2018 u paŭdniovakarejskim Pchiončchanie.
Pierad Hulniami šerah krain vykazali zaniepakojenaść susiedstvam Pchiončchana z Paŭnočnaj Karejaj, u jakoj, u svaju čarhu, byli surjoznyja roznahałośsi z ZŠA.
«Dla taho, kab Hulni admianili, nie abaviazkova pavinny byli pačacca vajennyja dziejańni. Dla hetaha chapiła b tolki zajavy ad adnoj z krain, što jana admaŭlajecca ad udziełu ŭ Alimpijadzie z-za taho, što jaje spartsmienam nie budzie zabiaśpiečana nieabchodnaja biaśpieka.
I voś jak raz pa hetym pytańni my viali pieramovy, jakija zusim nie byli prostymi, kali kazać dypłamatyčna. Nakolki my byli blizkimi da rašeńnia ab admienie Hulniaŭ? Vielmi blizkimi», — raspavioŭ Bach.
