26 žniŭnia na rasijskim telekanale TNT startuje novaje realici-šou «Zamuž za Buzavu». Mužčyny buduć zmahacca za serca śvieckaj ilvicy i śpiavački Volhi Buzavaj.
Jak stała viadoma, adnym z udzielnikaŭ prahramy budzie biełaruski viadučy i śpiavak Hierman Citoŭ, 33-hadovy viadučy «Našaj ranicy» na telekanale ANT.
Sapraŭdnaje imia Citova — Dźmitryj Karpinčyk, jon rodam z Kobryna. Paśla škoły pastupiŭ u Hrodzienski kaledž mastactvaŭ, paśla skončyŭ Univiersitet kultury. Tvorčy psieŭdanim uziaŭ u honar savieckaha kasmanaŭta.
Citoŭ taksama kampazitar, jon pisaŭ muzyku dla Mikałaja Baskava, Stasa Michajłava, Natašy Karalovaj.
U svaim instahramie adnosna ŭdziełu ŭ šou «Zamuž za Buzavu» jon napisaŭ: «Majo chvalavańnie na miažy. Pieražyvaju, što vy padumajecie na hety kont. A ŭ vas jość takoje, što vy zaležycie ad mierkavańnia asiarodździa?»
Viadučaj «Doma-2» Volzie Buzavaj 32 hady, jana była zamužam za futbalistam Dźmitryjem Tarasavym. Buzava nie vyklučaje navat seksu na novym realici-šou, ale chutčej za ŭsio heta prosta zamanucha dla hledača.
