U Stolinskim rajonie Bresckaj vobłaści za sutki zatrymali 7 źbiralnikaŭ žuravin z Ukrainy, paviedamlaje Dziaržpahrankamitet.
Uviečary 20 žniŭnia ŭ Stolinskim rajonie pinskija pamiežniki za parušeńnie dziaržaŭnaj miažy zatrymali dvuch nieviadomych biez dakumientaŭ. Pravaparušalniki zajavili, što źjaŭlajucca hramadzianami Ukrainy, a parušyć zakon maładyja ludzi vyrašyli dziela zboru jahad i hryboŭ u biełaruskim pamiežžy.
Na nastupny dzień kala 8 ranicy pamiežniki vyjavili jašče 5 parušalnikaŭ miažy, ich suajčyńnikaŭ, jakija z anałahičnaj metaj adpravilisia na biełaruskuju terytoryju biez dakumientaŭ.
U dačynieńni da ŭsich zamiežnikaŭ raspačali administracyjny praces pa artykułach 23.29 i 23.55 KaAP Biełarusi (niezakonnaje pierasiačeńnie miažy i parušeńnie pravił znachodžańnia). Da momantu vyśviatleńnia asoby zatrymanyja buduć znachodzicca ŭ izalatary časovaha ŭtrymańnia Pinskaha pahraničnaha atrada. Im pahražajuć štrafy i departacyja z zabaronaj ujezdu ŭ krainu na termin da 5 hadoŭ.
