Fota Siarhieja Hudzilina
Bolš za 9 tys. baćkoŭ pieršakłaśnikaŭ padali dakumienty va ŭstanovy adukacyi stalicy nie pa miescy žycharstva. Pra heta paviedamiła na pres-kanfierencyi pradstaŭnik kamiteta pa adukacyi Minharvykankama Maryna Iluščenia.
— Pa stanie na 20 žniŭnia pryniata bolš za 15 tys. dakumientaŭ ad baćkoŭ pieršakłaśnikaŭ pa zamacavanych za imi mikrarajonach, — skazała jana. — Bolš za 9 tysiač baćkoŭ napisali zajavy va ŭstanovy nie pa miescy žycharstva.
Kamisii pa zaličeńni na volnyja miescy, stvoranyja ŭ škołach i himnazijach, pačnuć svaju pracu 29 žniŭnia. U ich skład uvojduć namieśniki dyrektaraŭ i piedahohi.
— Rašeńnie ab zaličeńni na volnyja miescy nie prymajecca dyrektaram škoły adnaasobna, — padkreśliła M. Iluščenia. — Pieravahu majuć dzieci, čyje braty i siostry vučacca ŭ hetaj ustanovie adukacyi albo štatnyja supracoŭniki škoły. Tym baćkam, čyje dzieci nie projduć na volnyja miescy ŭ škołach i himnazijach, budzie prapanavana źviarnucca va ŭstanovy adukacyi pa mikrarajonie.
