Staršynia Biełstata Ina Miadźviedzieva vykazałasia nakont dakładnaści aficyjnych ličbaŭ pa siarednim zarobku.
«Zychodziačy z ankiet karystalnikaŭ, zapoŭnienych na našym sajcie, bolšaść daviarajuć našym dadzienym, — patłumačyła jana ŭ intervju «Sovietskoj Biełoruśsii». — My starajemsia być maksimalna adkrytymi, nie trymajem u sakrecie mietadałohii, pa jakich raźličvajecca toj ci inšy pakazčyk ci horada. Inšaje pytańnie, što takija sacyjalna značnyja pakazčyki, jak siaredniaja zarpłata abo indeks spažyvieckich cen, zaŭsiody vyklikajuć mnostva sumnievaŭ. Jak prafiesijanały-statystyki, my razumiejem: ličba adlustroŭvaje niejki asieradniony pakazčyk. Ale mnohija sprabujuć jaho pieranieści na siabie i kažuć: a maja zarpłata mienšaja. Ci, pa maich nazirańniach, ceny rastuć chutčej. My stavimsia da hetaha z razumieńniem. Uvieś čas publikujem pres-relizy z tłumačeńniami, ščylna pracujem z presaj. Pravodzim pramyja telefonnyja linii.
Mahu vas zapeŭnić: biełaruski indeks spažyvieckich cen (ISC) raźličvajecca pa takoj ža mietadałohii, jak va ŭsim cyvilizavanym śviecie.
Jaje raspracoŭvaje Mižnarodny valutny fond. Inšaje pytańnie, što ŭ kožnaj dziaržavie vyznačajecca svoj spažyviecki košyk dla vyličeńnia ISC. Ale jon atrymlivajecca na asnovie vyvučeńnia spažyvieckich raschodaŭ chatnich haspadarak. U Biełarusi asnoŭnymi dla nasielnictva źjaŭlajucca 460 tavaraŭ i pasłuh, štohod my źbirajem da 65 tysiač katyrovak cenaŭ. Ujaŭlajecie, jaki abjom infarmacyi my atrymlivajem! I kožnaja cana ŭvachodzić u ISC sa svajoj udzielnaj vahoj u spažyvieckich vydatkach. Ale, znoŭ ža, my atrymlivajem niejki asieradniony vynik.
Naprykład, u lipieni zdaryłasia deflacyja: ISC źniziŭsia na 0,2 adsotkavaha punkta. Asnoŭny faktar — siezonny: patańnieła sadavina i harodnina. Tak, uradžaj pamidoraŭ vydatny, ich šmat, jany niedarahija. Ale kali pahladzieć na košty pa inšych praduktach charčavańnia — tak, peŭny ruch uvierch.
Niesumnienna, u kožnaha čałavieka jość niejki pakazčyk asabistaj inflacyi, zychodziačy ź jaho struktury spažyvieckich raschodaŭ. Na biudžet siemjaŭ ź nievysokimi dachodami, naturalna, u pieršuju čarhu budzie ŭpłyvać košt tavaraŭ pieršaj nieabchodnaści.
A pry raźliku ISC ŭličvajecca košt i televizaraŭ, i chaładzilnikaŭ, i aŭtamabilaŭ… Ale ich ža taksama niechta nabyvaje. I ich ceny ŭpłyvajuć na sukupnuju pakupnickuju zdolnaść nacyjanalnaj hrašovaj adzinki. Niesumnienna, adčuvańni koštaŭ nasielnictvam, jaho inflacyjnyja čakańni vielmi važnyja. I my pravodzim adpaviednyja daśledavańni pry vybaračnym abśledavańni chatnich haspadarak. Z našaha vopytu mahu skazać: na adčuvańni ludziej ŭpłyvaje nie tolki faktyčnaja situacyja, ale i samyja raznastajnyja faktary. U tym liku źniešnija. Vialikaje značeńnie ludzi nadajuć kursavym źmienam.
