Fota Siarhieja Hudzilina
U vychodnyja ŭ Biełarusi budzie da 30 hradusaŭ ciapła i projduć karotkačasovyja daždžy, paviedamili BIEŁTA ŭ Hidramiecie
U piatnicu pa krainie budzie ad +23 hradusaŭ pa paŭnočnym uschodzie da 30 pa zachadzie. Apadki kali i prahnazujucca, to tolki ŭzdoŭž polskaj miažy.
U subotu nočču ŭ zachodnich, a dniom i ŭ centralnych rajonach krainy — karotkačasovyja daždžy, dniom u asobnych rajonach — mocnyja. Čakajecca ad 21 hradusa pa paŭnočnym zachadzie da 30 na Homielščynie.
U niadzielu stanie krychu chaładniej. Udzień budzie +18—25, pa paŭdniovym uschodzie — 26—30 hradusaŭ.
U Minsku ŭ piatnicu budzie +27, u subotu — karotkačasovy doždž i ŭdzień da +27.
U niadzielu taksama čakajecca karotkačasovy doždž, adnak viecier pamianiajecca na paŭnočna-zachodni. Udzień čakajecca +22-24.
«Pavodle papiaredniaha prahnozu, u pačatku nastupnaha tydnia daždžy raspaŭsiudziacca na ŭsiu krainu, kožny dzień budzie stanavicca chaładniej. Tak što na nastupnym tydni možna budzie skazać — pryvitańnie, vosień», — dadali ŭ Biełhidramiecie.