Śledčy kamitet Rasii zadavoliŭ zapyt kampietentnych orhanaŭ Polščy i dazvoliŭ ahledzieć abłomki samalota Tu-154M prezidenta Polščy Lecha Kačyńskaha, jaki raźbiŭsia ŭ 2010 hodzie pad Smalenskam.

Ahrehaty, paduzły i kanstruktyŭnyja elemienty samalota ahledziać z 3 pa 7 vieraśnia. Ahlad «u prysutnaści polskich pradstaŭnikoŭ» praviaduć śpiecyjalisty Hałoŭnaha ŭpraŭleńnia kryminalistyki, adznačyli ŭ SK.

Miždziaržaŭny avijacyjny kamitet (MAK) nazvaŭ pryčynaj krušeńnia samalota prezidenta Polščy pamyłku piłotaŭ, jakija pajšli na pasadku va ŭmovach drennaha nadvorja. Polšča, pravioŭšy svajo rasśledavańnie, taksama pryjšła da vysnovy ab pamyłcy piłotaŭ, ale ŭskłała vinu za toje, što zdaryłasia na rasijskich dyśpietčaraŭ. Rasija vinu dyśpietčaraŭ u krušeńni samalota nie pryznała.

Клас
Панылы сорам
Ха-ха
Ого
Сумна
Абуральна