Na biełaruskich sajtach pa prodažu nieruchomaści źjaviłasia nieardynarnaja kvatera. Staličnaja chruščoŭka, adramantavanaja «pa-bahatamu». Vialikija lustry, baročnaja pampieznaja mebla, kamin i partret cara-baciuchny — u kamplekcie.
Mietraž dla trochpakajovaj kvatery nie taki i vialiki — 57 mietraŭ. Ale kaštuje niamała — $85 tysiač. Pryčym, jak stała viadoma «Našaj Nivie», paŭhoda tamu ciapierašni haspadar nabyŭ hetaje žyllo za $52,5 tysiačy ŭ ekvivalencie.
Adkul ža ŭziałasia nacenka amal 35 tysiač «zialonych»? Niaŭžo za bahaty ramont?
«Naša Niva» adšukała Mikałaja Ivanaviča, haspadara kvatery. Jon pradstaŭnik narodu roma (praściej kažučy, cyhan). Žyvie jon u inšaj kvatery. Rod jaho zaniatkaŭ nieviadomy. Sam Mikałaj Ivanavič pra svaju pracu havaryć nie zachacieŭ i ŭvohule adkazvaŭ na pytańni nie vielmi achvotna. Ale zapeŭniŭ, što kvateru nabyŭ užo z takim ramontam. A čamu chutka pradaje i adkul takaja nacenka, kazać nie staŭ.
Što ž tyčycca partreta Mikała II, to jaho paviesiŭ sam Mikałaj Ivanavič.
«Nie, ja nie manarchist. Prosta karcina spadabałasia», — patłumačyŭ jon.
