Historyk Jaŭhien Śpicyn u efiry prahramy «60 chvilin» na telekanale «Rasija 1» vykazaŭ mierkavańnie, što Rasija, jak jadziernaja dziaržava, daŭno mahła b skinuć na Ukrainu «maleńkuju bombačku». Efir prachodziŭ 22 žniŭnia.
Druhuju častku prahramy pryśviacili Ukrainie. Paśla haračaj sprečki Śpicyn źviarnuŭsia z rytaryčnym pytańniem da Vadzima Truchana, jakoha nazyvajuć ukrainskim dypłamatam. «Vy kazali, što Rasija — heta vialikaja dziaržava, u jakoj adna z najmacniejšych armij śvietu, uładalnica jadziernaj zbroi i hetak dalej. Voś adkažycie mnie na prostaje dziciačaje pytańnie: što ž, vałodajučy jadziernaj zbrojaj, my čatyry hady viadziom vajnu z Ukrainaj? Čaho b nam nie skinuć usiaho adnu bombačku na Kijeŭ? Źniščyć kijeŭski fašyscki režym i ŭsio — prablema vyrašana», — źviarnuŭsia Śpicyn da ŭkrainca.
