Razam z Bukmiekierskaj kantoraj Marafon raskažam, što cikavaha moža adbycca ŭ dzieviatnaccatym tury čempijanatu Biełarusi pa futbole. Usie mieniej času zastajecca da skančeńnia, i ŭsio bolš žorstkaja baraćba pačynajecca za pryzavyja miescy.
Niekalki słovaŭ pra jeŭrakubki. Barysaŭski BATE doma ŭ dramatyčnaj sustrečy sastupiŭ hałandskamu PSV. BATE pieršym zabiŭ, namahańniami Jase Tuominiena, ale paśla prapuściŭ dvojčy. Za paru chvilin da skančeńnia asnoŭnaha času hulni Alaksandr Hleb zrabiŭ lik roŭnym 2:2, ale ŭžo litaralna ŭ nastupnaj atacy hałandcy zabili pieramožny miač. Praz tydzień budzie hulnia ŭ adkaz.
Pradstaŭniki Biełarusi ŭ Lizie Jeŭropy vybyli z turnira. Minskaje «Dynama» zhańbiłasia ŭ Sankt-Pieciarburzie. Paśla chatniaj pieramohi ź likam 4:0 zaŭziatary spraviadliva čakali ad kłuba Siarhieja Hurenki prachodu ŭ nastupny raŭnd, ale zdaryłasia katastrofa ŭ vyhladzie liku 1:8. Šmat chto hadaje, ci mahła taja hulnia prajści pa damoŭlenaści.
Bresckaje «Dynama» zdabyła nievialikuju satyśfikacyju paśla razhromu na Kipry (0:4). U chatnim pajadynku bieraściejcy atrymali minimalnuju pieramohu 1:0 nad «Apałonam», ale ŭsio adno pakinuli turnir.
Ciapier pierachodzim da anonsa tura pad numaram dzieviatnaccać.
«Minsk» — «Tarpieda-BiełAZ»
- 24.08 / 18:45. Stadyjon «Minsk»
- Kaeficyjenty: «Minsk» (pieramoha) — 3,84; ničyja — 3,3; «Tarpieda-BiełAZ» (pieramoha) — 2
Valeryj Harbačyk. Fota by.tribuna.com.
«Minsk» usio jašče vielmi blizki ad zony vyletu, chacia ciapier užo možna ŭzdychnuć z palohkaj. U kamandu viarnuŭsia abaronca Juryj Astravuch, jaki apošnija siezony pravioŭ u «Dynama». Ale paśla taho, jak u kłub Hurenki pierajšoŭ Ihar Šytaŭ, miesca Astravuchu ŭ składzie nie chapiła. Hety tranśfier pavinien istotna ŭmacavać zadniuju liniju haradžan.
Žodzinskaje «Tarpieda» pryciahnuła da siabie ŭvahu tranśfieram mahutnaha forvarda «Smalavičaŭ» Valeryja Harbačyka. Napadajučy ŭdarna pravioŭ pieršy kruh, u jakim zabiŭ piać miačoŭ. Potym jeździŭ na prahlad u Šviecyju, ale ŭ vyniku padpisaŭsia z «Tarpieda» na try hady. Užo ŭ pieršaj hulni za Žodzinam Harbačyk adznačyŭsia hołam.
Prahnoz «NN»: pieramoha «Tarpieda-BiełAZ».
«Haradzieja» — «Isłač»
- 25.08 / 15:45. Stadyjon «Haradzieja»
- Kaeficyjenty: «Haradzieja» (pieramoha) — 2,47; ničyja — 2,83; «Isłač» (pieramoha) — 3,28
«Haradzieja» na emacyjnym uzdymie. Kamanda pieramahła ŭ haściach nie aby-kaho, a minskaje «Dynama». Pryčym zroblena heta było ŭ dekaracyjach adrestaŭravanaha stadyjona «Dynama». U hulni adznačyŭsia sierbski forvard «Haradziei» Bojan Dubaič, jakoha «cukrovym» vielmi nie chapała ŭ pieršaj pałovie pieršynstva.
«Isłač» ža, naadvarot, mahła atrymać ad hulni z žodzinskim «Tarpieda» našmat bolš, ale abmiežavałasia ničym. Nastaŭnik «vaŭkoŭ» skazaŭ, što prafiesijny kłub u hety momant apuściŭsia da ŭzroŭniu DIUSŠ. Na tydni mnohija hulcy «Isłačy» praviali majstar-kłas dla ciažkich padletkaŭ u Sienicy. Dobraje pačynańnie.
Prahnoz «NN»: pieramoha «Haradziei».
BATE — «Viciebsk»
- 25.08 / 17:45. «Barysaŭ-Arena»
- Kaeficyjenty: BATE (pieramoha) — 1,46; ničyja — 3,88; «Viciebsk» (pieramoha) — 8,2
Ščarbicki prapuskaje hoł ad PSV. Fota by.tribuna.com.
BATE pravioŭ dobry matč z PSV, nie chapiła kancentracyi. Na žal, nie duža hatovy da pajadynka byŭ abaronca Niemańja Miłunavič, jaki pravioŭ pieršy matč paśla traŭmy. Paradavaŭ Alaksandr Hleb, jaki adznačyŭsia pieršym zabitym miačom za apošnija try hady. BATE jašče čakaje ciažki vyjezd u Ejndchovien. Cikava, ci pabierahuć jany kahości ŭ hetym matčy.
Heta centralny matč tura. «Viciebsk» padniaŭsia na zavobłačnyja dla siabie vyšyni. Kamanda idzie na druhim radku, apiaredžvajučy «Dynama» i «Šachcior». Siarhiej Jasinski zmoh stvaryć vielmi bajavy kalektyŭ. Lidarami «Viciebska» źjaŭlajucca bramnik Andrej Ščarbakoŭ, jaki nie pryžyŭsia ŭ BATE, i forvard Kirył Viarhiejčyk, jaki akazaŭsia niepatrebny «Šachcioru».
Prahnoz «NN»: pieramoha BATE.
«Nioman» — «Tarpieda»
- 25.08 / 19:45. Stadyjon «Nioman»
- Kaeficyjenty: «Nioman» (pieramoha) — 1,48; ničyja — 3,72; «Tarpieda» (pieramoha) — 8,4
«Nioman» zhubiŭ važnyja ački ŭ Mahilovie, zhulaŭšy 0:0 z «Dniaprom». Na 87-j chvilinie paŭabaronca «Niomana» Filip Rudzik, jaki pravodziŭ pieršy matč paśla ciažkaj traŭmy, nie realizavaŭ pienalci. Tym časam hulcy «Niomana» zapisali kranalnaje videa na biełaruskaj movie, adrasavanaje fanatam. Jany prosiać aktyŭnych zaŭziataraŭ viarnucca na trybuny. Fanaty «Niomana» bajkatujuć hulni praź dziejańni milicyi.
Situacyja ŭ minskim «Tarpieda» dastatkova składanaja. Zusim niadaŭna kamandu pakinuŭ užo druhi hałoŭny trenier za hod. U adstaŭku adpraŭleny Leanid Łahun, jaho miesca zojmie inšy były hulec BATE Uładzimir Niavinski. Zadača pierad im nadzvyčaj prostaja — nie dapuścić vyletu «Tarpieda» ŭ pieršy dyvizijon.
Prahnoz «NN»: pieramoha «Niomana».
«Smalavičy» — «Dynama» (Brest)
- 26.08 / 15:45. Žodzina, stadyjon «Tarpieda»
- Kaeficyjenty: «Smalavičy» (pieramoha) — 9,25; ničyja — 4,65; Dynama-Brest (pieramoha) — 1,35
Emocyi bieraściejcaŭ paśla pieramohi nad «Apałonam». Fota z vk.com.
Nastaŭnik «Smalavič» Alaksandr Brazievič pryznaŭsia, što byŭ zadavoleny ničyjnym vynikam u matčy z «Minskam». «Smalavičy» razumiejuć svoj nie duža zajzdrosny los u vyšejšaj lizie. Dla ich hałoŭnaje — nie vylecieć užo ŭ pieršy siezon.
Usio jašče nieviadoma, kali Dyjeha Maradona pryjedzie pracavać u Biełaruś. I ci pryjedzie ŭvohule. Tym časam skandały nie pakidajuć horad na Buham. «Dynama» pakinuŭ małady forvard Bahdan Sadoŭski. Akazałasia, što hetaha junaka publična abraziŭ Arciom Mileŭski, kali trenier vypuściŭ Sadoŭskaha na zamienu. Ciapier chłopiec syšoŭ u pieršuju lihu ŭ «Enierhietyk-BDU».
Prahnoz «NN»: pieramoha «Dynama» z roźnicaj, bolšaj za adzin hoł.
«Šachcior» — «Dniapro»
- 26.08 / 17:45. Stadyjon «Budaŭnik»
- Kaeficyjenty: «Šachcior» (pieramoha) — 1,25; ničyja — 5,55; «Dniapro» (pieramoha) — 12
«Šachcior» usio bližej i bližej padbirajecca da trojki lidaraŭ. U apošnim tury kamanda Tašujeva zdabyła vielmi važnuju pieramohu nad «Słuckam». Pieramoha nad «Dniaprom» u hetym tury, mabyć, nie vyklikaje ni ŭ kaho sumnievaŭ.
Ukrainski nastaŭnik «Dniapra» Siarhiej Litoŭčanka pravioŭ za styrnom kamandy ŭsiaho tolki adzin matč, a ŭžo paśpieŭ trapić u skandał. U adnym ź intervju jon skazaŭ, što futbalisty «Dniapra» nie raŭnia hulcam kijeŭskaha «Arsienała». Paśla jon staŭ apraŭdvacca, što jaho nie tak zrazumieli, ale asadačak zastaŭsia.
Prahnoz «NN»: pieramoha «Šachciora» z roźnicaj, bolšaj za adzin hoł.
«Homiel» — «Dynama» (Minsk)
- 26.08 / 19:45. Stadyjon «Centralny»
- Kaeficyjenty: «Homiel» (pieramoha) — 6,7; ničyja — 3,54; «Dynama-Minsk» (pieramoha) — 1,58
Mikita Korzun byŭ adnym z najlepšych u hulniach z «Zienitam». Fota z vk.com.
U «Homiela» narešcie pačali naładžvacca spravy. Kamanda ŭžo ŭźniałasia ŭ turnirnaj tablicy až na dziaviaty radok, a, zdajecca, zusim niadaŭna była ŭ zonie vyletu. U dobrym styli hamielčuki ŭziali vierch nad «Tarpieda». U pieršym matčy ŭ «bieła-zialonaj» formie hołam adznačyŭsia ŭkrainski lehijanier Badry Abukardzija.
Parazu ad «Zienita» «Dynama» zabuduć niachutka. Usio ž taki lik byvaje nie kožny dzień. 1:8 — heta samaja bujnaja paraza biełaruskich kłubaŭ u jeŭrakubkach. Na hulniu z «Haradziejaj», jakuju «Dynama» biazdarna prajhrała, nie vyjšaŭ ceły šerah lidaraŭ kamandy — Harbunoŭ, Šytaŭ, Chvaščynski. Što budzie na hety raz?
Prahnoz «NN»: «Homiel» nie sastupić.
«Słuck» — «Pramień»
- 27.08 / 18:00. Stadyjon «Haradski»
- Kaeficyjenty: «Słuck» (pieramoha) — 1,34; ničyja — 4,7; «Pramień» (pieramoha) — 9,5
«Słuck» usio jašče znachodzicca ŭ pieršaj pałovie turnirnaj tablicy. I kab praciahnuć hetuju tendencyju kamandzie treba abaviazkova pieramahać «Pramień». Inšaha vyniku matča zaŭziatary nie zrazumiejuć.
«Pramień» na dadzieny momant najhoršaja kamanda čempijanatu. I, ščyra kažučy, małavierahodna, što niešta moža źmianicca najbližejšym časam. «Pramień» rušyć u pravilnym kirunku — z kožnym turam nabližajecca da pieršaj lihi.
Prahnoz «NN»: pieramoha «Słucka».
Pryjemnaha prahladu! Kab było jašče cikaviej sačyć za futbołam, zrabi staŭku ŭ Bukmiekierskaj kantory Marafon!
