Pamior kiraŭnik ahienctva BiełaPAN Aleś Lipaj, paviedamlaje ŭ svaim fejsbuku žurnalist Andrej Alaksandraŭ.
Alesiu Lipaju było 52 hady. Apošnim časam jon chvareŭ. Pachavańnie adbudziecca 26 žniŭnia ŭ Rudziensku. Aleś Lipaj — zasnavalnik i kiraŭnik BiełaPAN, najstarejšaha niezaležnaha infarmacyjnaha ahienctva ŭ Biełarusi, jakoje pracuje z 1991 hoda. Siabra Sajuza biełaruskich piśmieńnikaŭ i Biełaruskaha PEN-centra.
U 2004 hodzie BiełaPAN byŭ uhanaravany premijaj imia Dźmitryja Zavadskaha — «Za mužnaść i prafiesijanalizm», a ŭ 2006-m ahienctva i jaho internet-vydańnie Naviny.by atrymali «Premiju Runeta» siarod sajtaŭ pa-za damiennaj zonaj RU.
BiełaPAN byŭ partnioram Dnia Voli — 2018, pryśviečanaha 100-j hadavinie abviaščeńnia niezaležnaści BNR. Sam Lipaj vystupaŭ na hetym śviacie.
14 červienia ŭ kvatery Lipaja pravaachoŭniki zładzili pieratrus. Jaho padazravali ŭ niavypłacie padatkaŭ.