Sud horada Pataja ŭ Tajłandzie ŭ paniadziełak na techničnym pasiadžeńni pa padrychtoŭcy sudovaha pracesu ŭ dačynieńni da Alaksandra Kiryłava (Aleks Leśli), Anastasii Vašukievič (Nasta Rybka) i jašče šaści hramadzian Rasii i Biełarusi, jakich abvinavačvajuć u arhanizacyi pradastaŭleńnia pasłuh seksualnaha charaktaru ŭ składzie złačynnaj hrupy, pryniaŭ rašeńnie pryznačyć čatyry pasiadžeńni, pryśviečanyja dopytu śviedak bakoŭ, na 15, 16, 17 i 18 studzienia 2019 hoda.
Pasiedžańnie pa praviercy hatoŭnaści bakoŭ da pracesu projdzie 14 listapada. Dopyty śviedak abvinavačvańnia pryznačajucca na 15 i 16 studzienia, śviedak abarony — 17 i 18 studzienia», — havorycca ŭ pratakole pryznačeńnia dat razhladu spravy pa sutnaści, padpisanym u paniadziełak staršynioj sudovaj kalehii, jakaja viadzie spravu, prakuroram i advakatami padsudnych.
«Nie ŭpeŭnieny, što čatyroch dzion chopić na dopyty ŭsich śviedak abvinavačvańnia i abarony. Dopyty, jakija iduć ź pierakładam, zaŭsiody zajmajuć šmat času. Chutčej za ŭsio, pryjdziecca zapytvać jašče i dadatkovyja dni», - skazaŭ ria.ru advakat Satchapchon Sijocha, jaki abaraniaje na pracesie bolšaść abvinavačanych.
