Bolš za ŭsio haściej z momantu ŭviadzieńnia 30-dzionnaha biaźvizu ŭ Biełarusi pryjechali z Hiermanii, paviedamlaje BiełTA.
Biaźvizavym režymam ujezdu ŭ Biełaruś praz Nacyjanalny aeraport Minsk z 27 lipienia pa 26 žniŭnia skarystalisia 1658 hramadzian Hiermanii. Heta prykładna na 500 čałaviek, abo na 35,4%, bolš, čym za taki ž pieryjad minułaha hoda. Na druhim miescy pa naviedvańniam — ZŠA. Z hetaj krainy z pačatku dziejańnia 30-dzionnaha biaźviza pryjechali 969 čałaviek, što bolš u paraŭnańni z anałahičnym pieryjadam minułaha hoda na 48,2%. Na treciaj pazicyi hości ź Italii — 946 čałaviek (na 52,6% bolš).
Usiaho za miesiac dziejańnia 30-dzionnaha biaźvizavaha režymu Biełaruś naviedali amal 12 tysiač zamiežnych hramadzian. Adznačajecca rost kolkaści biaźvizavych haściej na 35% u paraŭnańni z anałahičnym pieryjadam minułaha hoda.
