Sudy Minska ŭ paniadziełak razhledzieli administracyjnyja spravy zatrymanych 24 žniŭnia kala Doma pravasudździa. Ich abvinavacili va ŭdziele ŭ niesankcyjanavanym masavym mierapryjemstvie.
Fota: spring96.org.
Niekalki aktyvistaŭ, jakija pryjšli padtrymać asudžanych kiraŭnikoŭ prafsajuza REP, razharnuli pierad uvachodam u budynak bieł-čyrvona-bieły ściah i ściah «Jeŭrapiejskaj Biełarusi». Ich zatrymaŭ AMAP. Krychu paźniej tam ža byli zatrymanyja Mikałaj Statkievič i Maksim Viniarski.
Z 11 zatrymanych u piatnicu i dastaŭlenych u RUUS Maskoŭskaha rajona paźniej byŭ vyzvaleny tolki adzin pratestujučy.
U paniadziełak ich asudzili za ŭdzieł u niesankcyjanavanym masavym mierapryjemstvie.
Maju Navumavu i Leanida Kułakova ŭ sudzie Pieršamajskaha rajona aštrafavali na 40 bazavych vieličyń kožnaha.
