Adździaleńnie biełaruskaha tanca ŭznačalvaje Mikałaj Kozienka — daśledčyk, znaŭca rehijanalnych tradycyj Biełarusi, aŭtar šmatlikich manahrafij, pryśviečanych nacyjanalnamu tancu, vydatny tancor i piedahoh.

Vypuskny škoły tradycyjnaha mastactva, Mikałaj Kozienka siarod svaich vučniaŭ.

Vypuskny škoły tradycyjnaha mastactva, Mikałaj Kozienka siarod svaich vučniaŭ.

Mikoła Alaksiejevič — mastacki kiraŭnik bujnych biełaruskich falkłornych fiestyvalaŭ i konkursaŭ: «Bierahinia», «Miacielica» dy inšych.

Zaniatki prachodziać za try chviliny chady ad stancyi mietro Płošča Pieramohi pa aŭtorkach i čaćviarhach a 19-j hadzinie. Naviedvać ich možna 1 abo 2 razy na tydzień.

Śpieŭnaje adździaleńnie pracuje pad kiraŭnictvam Viktoryi Michno, dyrektarki škoły i kiraŭnicy falkłornaha ansambla «GUDA».

Na śpieŭnaje adzialeńnie prychodziać ludzi, jakija raniej nie mieli značnaha praktyčnaha dośviedu śpievu. Za čas navučańnia jany prachodziać šlach ad pastanoŭki hołasu da sceničnaj praktyki.

Zajmajucca śpievaki 2-3 razy na tydzień, spačatku pa 1 hadzinie, zatym pa 1,5 hadziny.

Vakalistki škoły tradycyjnaha mastactva ŭdzielničajuć u sceničnym prajekcie «Viasielle».

Vakalistki škoły tradycyjnaha mastactva ŭdzielničajuć u sceničnym prajekcie «Viasielle».

Ramiesny kurs viadzie Volha Kaškurevič. Zaniatki praciahvajucca kala 2-ch hadzin i adbyvajucca raz na tydzień. Vučni atrymlivajuć infarmacyju pra nacyjanalny stroj, jaho asablivaści, robiać kroj, vučacca vyšyvać i rabić roznyja vidy švoŭ. Pa vyniku kožny maje materyjalnaje ŭvasableńnie atrymanych viedaŭ i navykaŭ: asabisty tradycyjny biełaruski stroj.

Vypusknica ramiesnaha kursa i stvoranaje jaje rukami tradycyjnaje biełaruskaje adzieńnie.

Vypusknica ramiesnaha kursa i stvoranaje jaje rukami tradycyjnaje biełaruskaje adzieńnie.

Škoła tradycyjnaha mastactva abviaščaje konkurs dla novieńkich! 25 vieraśnia a 19-j hadzinie na ŭračystuju viečarynu my zaprašajem tych, chto viedaje chacia b adzin ź pieraličanych u naźvie artykuła taniec i moža jaho pakazać! Kožnaha ŭdzielnika konkursu čakajuć siurpryzy: padarunak ad Škoły tradycyjnaha mastactva i viasiołyja tancy ŭ pryjaznaj atmaśfiery.

Rehistracyja na konkurs budzie raspačataja ad 10 vieraśnia pa telefonie +375 (29) 608-25-56.

U Škole tradycyjnaha mastactva pracujuć dziciačyja studyi.

Navučańnie u dziciačych studyjach vybudavanaje takim čynam, kab dzieci školnaha ŭzrostu mahli kampiensavać małuju fizičnuju aktyŭnaść ciaham školnaha dnia, raźvivać maŭlenčyja, tvorčyja zdolnaści, artystyzm.

Kožny zaniatak maje značny padrychtoŭčy kompleks fizičnych praktykavańniaŭ, jakija karektujuć pastavu dziciaci i rychtujuć da tancavalnych nahruzak. 

Navučencam padabajucca biełaruskija tancy, bo jany viasiołyja i nieskładanyja, cudoŭna zdymajuć napružańnie niaprostaha školnaha dnia. Aproč fizičnaj padrychtoŭki, jany spryjajuć i raźvićciu kamunikatyŭnych navykaŭ. 

Dla dziaciej, jakija z roznych pryčyn zaviaršyli spartovyja treniroŭki, heta miakkaja, ale istotnaja nahruzka, jakaja dazvalaje zastavacca ŭ dobraj fizičnaj formie.

Spadarožničaje tancu znajomstva ź biełaruskimi tradycyjami i vyvučeńnie piesiennaha falkłoru i abradaŭ praz padrychtoŭku i śviatkavańnie Kalad, Maślenicy i inšych śviataŭ narodnaha kalendara.

Zaniatki ŭ dziciačych studyjach adbyvajucca dvojčy na tydzień.

Navučańnie ŭ škole płatnaje.

Škoła tradycyjnaha mastactva čakaje svaich vučniaŭ i novieńkich! Dałučajciesia!

Dadatkovuju infarmacyju možna atrymać pa telefonie +375 (29) 608-25-56 abo pa elektronnaj pošcie [email protected].

UNP 191517034
Pryvatnaje pradpryjemstva
«Kansultacyjnyja i navučalnyja prahramy»

Клас
0
Панылы сорам
0
Ха-ха
0
Ого
0
Сумна
0
Абуральна
0