Minski abłasny sud vynies abvinavaŭčy prysud u dačynieńni da byłych hałoŭnaha ŭrača sanatoryja «Siarebranyja klučy» i namieśnika dyrektara Respublikanskaha centra pa azdaraŭleńni i sanatorna-kurortnym lačeńni.
Byłoha hałoŭnaha doktara pryznali vinavataj u pieravyšeńni słužbovych paŭnamoctvaŭ i atrymańni chabaru ŭ asabliva bujnym pamiery. Jaje prysudzili da 6 hadoŭ 6 miesiacaŭ pazbaŭleńnia voli z adbyvańniem pakarańnia ŭ kałonii ahulnaha režymu, sa štrafam 7350 rubloŭ, i kanfiskacyjaj majomaści. Akramia taho, jaje pazbaviać prava zajmać pasady, źviazanyja z vykanańniem arhanizacyjna-rasparadčych i administracyjna-haspadarčych abaviazkaŭ, na termin 5 hadoŭ.
Što tyčycca eks-namieśnika dyrektara Respublikanskaha centra pa azdaraŭleńni i sanatorna-kurortnym lačeńni, jana pryznanaja vinavataj u pieravyšeńni słužbovych paŭnamoctvaŭ i atrymańni chabaru ŭ asabliva bujnym pamiery, paŭtorna. Joj pryznačana bolš suvoraje pakarańnie — 7 hadoŭ 6 miesiacaŭ pazbaŭleńnia voli, sa štrafam 8575 rubloŭ i kanfiskacyjaj majomaści. Jaje taksama pazbaviać prava zajmać peŭnyja pasady.
