Razam z Bukmiekierskaj kantoraj Marafon raskažam, što cikavaha moža adbycca ŭ dvaccatym tury čempijanatu Biełarusi pa futbole. Usie mieniej času zastajecca da skančeńnia, i ŭsio bolš žorstkaja baraćba pačynajecca za pryzavyja miescy i za vyžyvańnie.
Kali kazać pra inšyja padziei futbolnaha śvietu, to barysaŭski BATE, na žal, biez šancaŭ sastupiŭ u Ejndchovienie PSV (0:3), i nie prabiŭsia ŭ hrupavy etap Lihi čempijonaŭ. BATE vosieńniu, jak i letaś, prymie ŭdzieł u Lizie Jeŭropy. Losavańnie adbudziecca ŭ piatnicu. Čempijon Biełarusi, najchutčej, budzie znachodzicca ŭ trecim košyku. U takim vypadku dva supierniki buduć macniejšymi pa rejtynhu, a adzin — słabiejšym. Pazyčym našamu kłubu dobrych vynikaŭ losavańnia.
Ciapier pierachodzim da tura pad paradkavym numaram dvaccać.
«Tarpieda-BiełAZ» — «Haradzieja»
- 31.08 / 17:30. Žodzina, stadyjon «Tarpieda»
- Kaeficyjenty: «Tarpieda-BiełAZ» (pieramoha) — 1,6; ničyja — 3,48; «Haradzieja» (pieramoha) — 6,6
U Haradziei ŭmiejuć zaŭzieć za svaich. Fota z vk.com.
«Tarpieda-BiełAZ» u minułym tur z «vialikaj pavahaj», jak vykazaŭsia ich nastaŭnik Aleh Kubaraŭ, pastaviłasia da «Minska». Hulnia skončyłasia ź likam 0:0. Žodzincy na hety momant zajmajuć šosty radok u turnirnaj tablicy. Vylecieć nie vyleciać, ale i da čahości istotnaha nie daciahnucca. Matyvacyja moža pačać hublacca.
«Haradzieja» prosta ciapier u ahni. Kamanda atrymała dźvie suchija pieramohi zapar u čempijanacie, a taksama vyjhrała matč u kubku Biełarusi. Zhadvajučy, jak kamanda pakutavała ŭ pieršaj pałovie, składvajecca ŭražańnie, što haradziejcaŭ prosta padmianili. Moža, i ŭ matčy z favarytam znoŭ atrymajecca adabrać punkty.
Prahnoz «NN»: «Haradzieja» nie sastupić.
«Viciebsk» — «Smalavičy»
- 31.08 / 19:30. CSK «Viciebsk»
- Kaeficyjenty: «Viciebsk» (pieramoha) — 1,4; ničyja — 4,25; «Smalavičy» (pieramoha) — 8,7
«Viciebsk» praciahvaje pryjemna ŭražvać. Jakuju ž chvalu emocyj vyklikała hulnia viciablan u Barysavie z BATE! Tolki na apošnich chvilinach barysaŭcy zmahli adhulacca dziakujučy vielmi sumnieŭnamu pienalci. Sprečki, ci byŭ adzinaccacimietrovy praciahvajucca da hetaha času.
U «Smalavičach» dobry nastroj. Jašče b, kamanda ŭ minułym tury pieramahła zornaje bresckaje «Dynama». Dy jašče jak! Fiadzianin udaryŭ z 30 mietraŭ, a bramnik bieraściejcaŭ prapuściŭ miač miž noh. Toj jašče kurjoz! Nastaŭnik «Smalavičaŭ» Alaksandr Brazievič nazvaŭ svaju kamandu «sapraŭdnymi mužykami».
Prahnoz «NN»: pieramoha «Viciebska».
«Dniapro» — «Pramień»
- 01.09 / 15:00. Mahiloŭ, stadyjon «Spartak»
- Kaeficyjenty: «Dniapro» (pieramoha) — 2,3; ničyja — 3,02; «Pramień» (pieramoha) — 3,35
Tydzień tamu «Dniapro» sastupiŭ u Salihorsku. Fota z aficyjnaha sajta «Dniapra».
Supiervažnaja hulnia ŭ baraćbie za vyžyvańnie. Sustrakajucca kamandy, jakija na hety momant zajmajuć piatnaccataje i šasnaccataje miescy. «Dniapro» nie bieznadziejny pa samaaddačy, ale nabirać punkty nie mohuć. Kłub pakinuŭ ukrainski lehijanier Arciom Pilipienka, jaki tak i nie zhulaŭ nivodnaha matča. Ukrainskaja fiederacyja prosta nie vydała jamu tranśfier.
Dla «Pramienia» sastupić u hetaj hulni budzie roŭna katastrofie. Bo dalej kalandar dla minskaj kamandy budzie tolki ciažejšym. Zdajecca, «Pramień» nie duža pryžyŭsia ŭ vyšejšaj lizie. Zaŭziataraŭ u kłuba tak i nie źjaviłasia. Haravać pa takoj kamandzie mała chto budzie.
Prahnoz «NN»: totał mienšy za 1,5.
«Isłač» — «Homiel»
- 01.09 / 17:00. Stadyjon «Minsk»
- Kaeficyjenty: «Isłač» (pieramoha) — 2,64; ničyja — 2,82; ničyja — 3,02
Spravy ŭ «Isłačy» sapsavalisia. Kamanda ŭžo znachodzicca nie tak daloka ad zony vyletu. U minułym tury «vaŭki» nie zmahli ničoha pakazać suprać «Haradziei». Pakul ža «Isłač» moža paradavacca tym, što ich abaronca Alaksandr Šahojka staŭ pieršym u historyi futbalistam, jaki pravioŭ biez zamien 400 matčaŭ u čempijanacie Biełarusi. Kamanda ž pakul vynošvaje płany pa budaŭnictvie ŭłasnaha stadyjona ŭ Zasłaŭi.
«Homiel» naadvarot, na emacyjnym i hulniavym padjomie. Jak my i mierkavali ŭ minułym ahladzie, kamanda zmahła adabrać punkty ŭ minskaha «Dynama». Trenier «Homiela» Alaksiej Miarkułaŭ kaža, što ničoha nadzvyčajnaha z kamandaj nie adbyvajecca. Prosta płanava trenirujucca i ŭsio. Varta adznačyć, što heta taksama «drapiežnaje derbi»: «vaŭki» suprać «rysiaŭ». Chto kaho zahryzie?
Prahnoz «NN»: «Homiel» nie sastupić.
«Dynama» (Brest) — «Minsk»
- 01.09 / 19:30. ASK «Brescki»
- Kaeficyjenty: «Dynama-Brest» (pieramoha) — 1,45; ničyja — 4; «Minsk» (pieramoha) — 8
Hałoŭny trenier «Minska» Alaksandr Łuchvič. Fota z vk.com.
Brest ceły siezon lichamanić. Byŭ adzin trenier, potym druhi, potym treci, ale ni ŭ kaho vyniki nie adroźnivalisia. I voś ciažka skazać, čaho mienavita nie chapaje «Dynama». Mahčyma, kamandnaj «chimii». Kožny choča stać zorkaj paasobku, a nie razam. Tym časam stała viadoma, što kamandu bližejšym časam moža pakinuć Dyjeha Maradona, jaki tołkam tak i nie paśpieŭ zaśviacicca ŭ Biełarusi.
U «Minska» dźvie zapar nulavyja ničyi. Trenier źviazvaje heta z adjezdam u minskaje «Dynama» Ancileŭskaha. Vybyŭ da kanca siezona abaronca «Minska» Dźmitryj Zinovič, jaki parvaŭ źviazki. Uvachod na hulniu «Dynama» i «Minska» zrabili darmavym, ludziej pavinna być šmat.
Prahnoz «NN»: pieramoha «Dynama-Brest».
«Tarpieda» — «Šachcior»
- 02.09 / 15:00. Stadyjon «Traktar»
- Kaeficyjenty: «Tarpieda» (pieramoha) — 9,1; ničyja — 4,55; «Šachcior» (pieramoha) — 1,363
Svoj pieršy matč la styrna «Tarpieda» Uładzimir Niavinski sastupiŭ u Hrodnie. Ciapier pieršaja chatniaja hulnia. Były nastaŭnik aŭtazavodcaŭ Leanid Łahun kaža, što zvalnieńnie, mabyć, źviazana z tym, što jon mała daviaraŭ maładym hulcam. Stanovišča ŭ «Tarpieda» vielmi składanaje. I baraćba z «Pramianiom» i «Dniaprom» za vyžyvańnie abiacaje być haračaj.
Kali ŭsio budzie, to «Šachcior» užo ŭ hetym tury moža narešcie viarnucca ŭ zapavietnuju dla siabie trojku. Kamanda nie maje prablem i z nastrojem, i z hulnioj. Bramnik kamandy Klimovič skazaŭ: «Dobra, što treniera zamianili tak rana i nie ciahnuli z hetym». Napadajučy «Šachciora» Ion Nikałaesku vyklikany ŭ zbornuju Małdovy na hulni ź Luksiemburham i Biełaruśsiu.
Prahnoz «NN»: pieramoha «Šachciora» z roźnicaj, bolšaj za 1 hoł
«Słuck» — BATE
- 02.09 / 17:00. Stadyjon «Haradski»
- Kaeficyjenty: «Słuck» (pieramoha) — 5,3; ničyja — 3,4; BATE (pieramoha) — 1,72
«Słuck» raduje svaich zaŭziataraŭ. Fota z vk.com.
Centralnaja hulnia tura. Sustrakajucca kamandy, jakija znachodziacca na piatym i pieršym radku adpaviedna. «Słuck», biezumoŭna, raduje sioleta svaich zaŭziataraŭ. Tak vysoka kamanda daŭno nie ŭźbirałasia. Asabliva ž raduje forvard Jaŭhien Šykaŭka, jaki ź dziesiaćciu hałami praciahvaje ŭznačalvać tablicu bambardziraŭ.
BATE pasprabavaŭ hulać u adkryty futboł z hałandskim PSV, za heta byŭ žorstka bity. Alaksandr Hleb pravioŭ 700-y matč na vyšejšym uzroŭni. Da absalutnaha rekordu zastajecca ŭsiaho dzieviać matčaŭ. Baha ździŭlaje śmiełymi ekśpierymientami, naprykład, tym, što ŭ asnovie pačaŭ vypuskać finskaha forvarda Tuominiena. Lohka BATE ŭ «Słucku» vidavočna nie budzie.
Prahnoz «NN»: pieramoha BATE.
«Dynama» (Minsk) — «Nioman»
- 02.09 / 19:30. Stadyjon «Dynama»
- Kaeficyjenty: «Dynama-Minsk» (pieramoha) — 1,58; ničyja — 3,5; «Nioman» (pieramoha) — 6,9
Minskaje «Dynama» pryciahvaje da siabie ŭvahu tym, što ŭ kamandy bližejšym časam moža źmianicca ŭładalnik. Nie vyklučana, što Juryj Čyž pradaść svaje aktyvy. Kamu? Pakul nieviadoma. Siarod mahčymych novych ułaśnikaŭ nazyvajecca kampanija «Varhiejminh». Pakul ža «Dynama» nijak nie moža adyści ad aplavuchi ŭ Sankt-Pieciarburhu.
«Nioman» byŭ natchniony tym, što fanaty viarnulisia na stadyjon. Kali Valeryj Žukoŭski zabiŭ pieramožny miač u bramu «Tarpieda», to jon adrazu pabieh da 21-ha siektaru. Nastroj u Hrodnie niakiepski. I kamanda jaŭna budzie nacelenaje na toje, kab adabrać bały ŭ «Dynama».
Prahnoz «NN»: «Nioman» nie sastupić.
Pryjemnaha prahladu! Kab było jašče cikaviej sačyć za futbołam, zrabi staŭku ŭ Bukmiekierskaj kantory Marafon!
