Letaś biełaruskich turystaŭ u Kijevie stała ŭdvaja bolš, mnohija ź ich spyniajucca va ŭkrainskaj stalicy pa darozie da mora, piša Radyjo Svaboda.
Z pačatku 2018 hodu Kijeŭ naviedali 133 tysiačy biełaruskich turystaŭ. Pa kolkaści zamiežnych turystaŭ va ŭkrainskaj stalicy Biełaruś ciapier zajmaje pieršaje miesca. Ahułam Kijeŭ naviedali 852 tysiačy zamiežnych turystaŭ.
Jak paviedamili Svabodzie va ŭpraŭleńni Kijeŭskaj haradzkoj dziaržaŭnaj administracyi ŭ pytańniach turyzmu i pramocyi, u paraŭnańni z analahičnym peryjadam letaś kolkaść biełaruskich turystaŭ sioleta vyrasła amal udvaja.
«Kali ŭ 2013-2014 hadach pieravažali hości z Rasiei (kala 50%), to ciapier karcina inšaja. Na pieršaje miesca vyjšli biełarusy, jakija spyniajucca ŭ Kijevie na niekalki dzion pa darozie ŭ Zatoku, Adesu abo Chierson. Paśla Biełarusi (pa kolkaści turystaŭ) iduć Izrail, ZŠA, Niamieččyna, Tureččyna, Italija, Francyja i Vialikaja Brytanija», — paviedamiŭ kiraŭnik upraŭleńnia Anton Taranienka.
Rasiejskija turysty, jakija byli na pieršym miescy da 2013 hodu, sioleta nie ŭvajšli navat u pieršuju dziasiatku.
