Ivan Naskievič. Fota sk.gov.by.
Staršynia Śledčaha kamiteta Ivan Naskievič u chodzie pracoŭnaj pajezdki ŭ Homiel prakamientavaŭ pravierku pa fakcie hibieli dziciaci ŭ Hancavickim rajonie paśla vakcynacyi:
«U suviazi z tym, što hety vypadak vyklikaŭ šyroki hramadski rezanans, roznyja plotki, ja litaralna ŭčora pryniaŭ rašeńnie ab dalejšym praviadzieńni hetaj pravierki siłami centralnaha aparata viedamstva, upraŭleńnia pa rasśledavańni złačynstvaŭ suprać asoby.
Na hety momant u nas niama kankretnych faktaŭ pra toje, što isteryja ŭ srodkach masavaj infarmacyi źjaŭlajecca vynikam kankurentnaj baraćby vytvorcaŭ vakcyn, ale i vyklučać hetuju viersiju my zaraz nie možam. Heta budzie źjaŭlacca pradmietam pravierki, sapraŭdy takim ža, jak i vyśviatleńnie pryčyn śmierci dziciaci, a taksama padstaŭ i ŭmoŭ zakupki miedycynskaha preparata».
