Alimpijski čempijon 2008 hoda Andrej Aramnaŭ daŭ intervju rasijskamu jutub-kanału Body Mania. U im jon raskazaŭ pra siabie i svaje žyćciovyja pryncypy. Nahadajem, u 2017 hodzie Aramnaŭ byŭ prysudžany da 2 hadoŭ chatniaj chimii za čarhovaje pjanaje kiravańnie.
Pryvodzim niekatoryja cytaty ź intervju:
- Ja hieroj hetaj krainy. Ja rablu ŭsio, kab jana kvitnieła, prasłaŭlać jaje. Kraina mianie sama prasłaŭlaje ŭ nie samym lepšym sensie hetaha słova, tamu što časam nie vynosić śmiećcie z chaty.
- Na mianie było zaviedziena 11 kryminalnych spraŭ.
- Ja pisaŭ prezidentu prašeńnie ab pamiłavańni, ale mianie nichto nie pamiłavaŭ. Ź mianie zrabili niejkaha vyradka, i kali ja zrazumieŭ, što heta klajmo budzie visieć na mnie doŭha, ja prosta staŭ vyradkam i rabiŭ usio, što chacieŭ.
- Ja nikoli nie jeździŭ vielmi pjanym. U mianie zaŭsiody było da 1 pramile.
- U mianie kanfiskavali mašynu… Ja — Andrej Aramnaŭ, alimpijski čempijon i čempijon śvietu. A śviet nie biez dobrych ludziej. Chaj kanfiskujuć, robiać, što chočuć, a my prarviemsia. My narmalnyja pacany. Na aŭtobusie jeździć nie budu! Chacia na samoj spravie ja zaŭsiody jezdžu na aŭtobusie, karony ŭ mianie niama. Ja narodny čałaviek.
- U mianie było ŭ dziacinstvie na ruce šeść palcaŭ. Heta praz Čarnobyl. U toj čas naradžałasia šmat dziaciej naradžałasia… roznymi. U 14 hadoŭ mnie daviałosia jaho vydalić. Pa-mojmu, adno z praviłaŭ ciažkaatletyčnych spabornictvaŭ — kab va ŭsich udzielnikaŭ usio było adnolkavym. Nu albo trenieru było soramna mianie vieźci z šaściu palcami.
0
0
0
0
0
0
