Alaksandr Łukašenka daŭ zhodu na pryznačeńnie kiraŭnikoŭ miascovych vykanaŭčych i rasparadčych orhanaŭ, a taksama pradpryjemstvaŭ, piša BiełTA.
Alena Aleksina, jakaja da ciapierašniaha času pracavała na pasadzie staršyni Buda-Kašaloŭskaha rajsavieta deputataŭ, uzhodniena na pasadu staršyni Homielskaha rajvykankama.
Maładziečanski rajvykankam uznačalić Juryj Horłaŭ, da hetaha času — staršynia Staŭbcoŭskaha rajvykankama.
Na pasadu staršyni Staŭbcoŭskaha rajvykankama Alaksandr Łukašenka ŭzhadniŭ kandydaturu Dzianisa Kolesienia. Da hetaha času jon pracavaŭ u hetym rajvykankamie pieršym namieśnikam staršyni, načalnikam upraŭleńnia sielskaj haspadarki i charčavańnia.
Kiraŭnik dziaržavy taksama daŭ zhodu na pryznačeńnie staršynioj Bychaŭskaha rajvykankama Dźmitryja Marcinoviča, jaki da hetaha pracavaŭ na pasadzie pieršaha namieśnika staršyni, načalnika ŭpraŭleńnia sielskaj haspadarki i charčavańnia Klimavickaha rajvykankama.
Leanid Zasiamčuk, jaki zajmaŭ pasadu pieršaha namieśnika hienieralnaha dyrektara AAT «Kirujučaja kampanija chołdynhu «Ahramašsiervis» horada Mahilova, ŭznačalić Klimavicki rajvykankam.
Akramia taho, Alaksandr Rahožnik uzhodnieny na pasadu hienieralnaha dyrektara Minskaha matornaha zavoda, Iryna Zaramboŭskaja - dyrektara Bresckaha elektralampavaha zavoda.
