Va ŭradzie adbyłasia druhaja chvala pryznačeńniaŭ.
Jak paviedamlaje BiełTA, ministram finansaŭ staŭ Maksim Jermałovič. Raniej jon byŭ u hetym viedamstvie pieršym namieśnikam va Uładzimira Amaryna.
Maksim Jermałovič. fota Siarhieja Hudzilina.
Maksim Jermałovič naradziŭsia 26 červienia 1977 hoda ŭ Lepieli. Skončyŭ Połacki dziaržaŭny univiersitet i Akademiju kiravańnia. U 1999 hodzie pracavaŭ dziaržaŭnym padatkovym inśpiektaram inśpiekcyi №2 Dziaržaŭnaha padatkovaha kamiteta pa Frunzienskim rajonie Minska. Ad lipienia 1999 hodu pa 2002 hod zajmaŭ roznyja pasady ŭ Dziaržaŭnym padatkovym kamitecie Biełarusi (ciapier Ministerstva pa padatkach i zborach). U 2002 hodzie pierajšoŭ pracavać u Ministerstva finansaŭ Biełarusi. Zajmaŭ pasady kansultanta ŭpraŭleńnia analizu i płanavańnia dachodaŭ biudžetu, namieśnika načalnika ŭpraŭleńnia — načalnika adździeła płanavańnia i ŭliku dachodaŭ biudžetu hałoŭnaha ŭpraŭleńnia padatkovaj palityki i dachodaŭ biudžetu, načalnika hałoŭnaha ŭpraŭleńnia biudžetnaj palityki. U 2011-2014 hadach — namieśnik ministra finansaŭ Biełarusi. Z 2014 hoda i da ciapierašniaha času pracavaŭ pieršym namieśnikam ministra finansaŭ.
Jermałovič nie žanaty.
