Alaksandr Łukašenka anansavaŭ novyja kadravyja pierastanoŭki, i adna z pryčyn — prablema pjanstva, u tym liku siarod kiraŭnikoŭ. Pra heta zajaviŭ siońnia, prymajučy kadravyja rašeńni, piša BiełTA.
«Ja praciahvaju manitoryć i adsočvać situacyju paśla abnaŭleńnia ŭrada. Chaču skazać, što heta jašče nie kaniec. My jašče vierniemsia da mnohich słužbovych asobaŭ, i nie tolki va ŭradzie, jakija siońnia nie dajuć vynik ci nie pracujuć pa tych pryncypach, jakija vyznačany mnoj, — adznačyŭ kiraŭnik dziaržavy. —
Publična chaču skazać ab niedapuščalnaści pjanstva. Mnie soramna było pra heta kazać, ale mnohija kiraŭniki, jakich ja adpraviŭ niadaŭna, dobra za kaŭnier zakładvali».
«Ja ž nie kantraluju vas, z kim vy vypivajecie, z kim vy ŭ łaźniu chodzicie, z kim razmaŭlajecie. Na zdaroŭje. Vy — kiraŭniki, vy pavinny ŭsio heta ŭmieć. Ale što tyčycca pjanki, vy pavinny viedać svaju mieru, vy pavinny viedać, z kim, dzie i kolki, jak u narodzie kažuć. Kali vy heta pačućcio hublajecie — vy nie kiraŭnik. i voś pa hetaj pryčynie nam pryjdziecca ź niekatorymi ŭ nabližejšy čas rasstacca. Jany nie razumiejuć, dzie jany pracujuć», — padkreśliŭ biełaruski kiraŭnik.
«I ja heta kažu nie stolki navat dla vas, a dla žonak tych pjanic, jakija chutka zastanucca biez partfiela. Jany tam usio heta bačać, ale spynić nie mohuć ci nie chočuć.
A potym, kali mužy hublajuć partfieli, pačynajuć hałasić. A čaho hałasić? Da mianie pretenzij nie treba pradjaŭlać. Ja adkryta i sumlenna skazaŭ pra svaje pryncypy i patrabavańni. Ludzi heta čuli. Prahałasavali za prezidenta — budźcie dobryja prytrymlivacca hetych pryncypaŭ. Pjanica — heta nie kiraŭnik. Kali jon siońnia napiŭsia da straty pulsa, i heta praź dzień abo kožny dzień, jon nazaŭtra nie rabotnik. Jon chodzić i dumaje, jak by dzie pachmialicca», — kanstatavaŭ kiraŭnik dziaržavy.
Alaksandr Łukašenka zaklikaŭ kiraŭnikoŭ viedać mieru pry ŭžyvańni śpirtnoha.
«Vy pavinny viedać, što my na vačach u ludziej. Jany nam nie darujuć, kali my spatykniemsia navat pa drobiaziach. Ja nie chacieŭ pra heta raniej kazać, tamu što mnie niajomka. Ja nie ŭmieju pra heta kazać, bo ja čałaviek praktyčna niepituščy», — adznačyŭ jon.
Razam z tym kiraŭnik dziaržavy padkreśliŭ, što niekatoryja vypivajuć z nahody i biez nahody.
«I bolš za ŭsio biez nahody. I zabyvajuć ab pracy, — skazaŭ jon. — Razam ź nievykanalnaściu, niedyscyplinavanaściu voś hety varyjant — pjanstva, jon naohuł nieprymalny ŭ kiraŭnictvie. Ja nie kažu pra toje, što ŭsie śviatyja i čarku nie pavinny ŭ rukach trymać. Ja kažu pra pjanstva i pra pjanic. Ich u kiraŭnictvie nie budzie».
«I ja heta kažu tym, chto ŭ internecie i ŚMI pačynajuć pakutavać, stahnać i vybudoŭvać, jak ja časta kažu, niejkuju kanśpirałohiju z nahody zamieny tych členaŭ urada i niekatorych słužbovych asob», — dadaŭ biełaruski kiraŭnik.
