Aŭtamabil UAZ 29 žniŭnia pierakuliŭsia kala pasiołka Partyzanski, što ŭ Vilejskim rajonie. Padčas avaryi ŭ 91-hadovaha pasažyra mašyny zdaryŭsia sardečny prystup, piša mlyn.by.

Jak raspaviała inśpiektar DAI Minabłvykankama Alena Sakałova, za rulom aŭtamabila byŭ 57-hadovy mužčyna. Na zakruhleńni darohi jon nie spraviŭsia z kiravańniem, źjechaŭ u levy kiuviet i pierakuliŭsia.

Pa słovach Aleny Sakałovaj, 91-hadovy pasažyr atrymaŭ udar pieranośsia i hiematomu iłba. Ale ŭ reanimacyjnaje adździaleńnie balnicy stareńki mužčyna dastaŭleny ź išemičnaj chvarobaj serca.

— Možna mierkavać, što avaryja stała surjoznym stresam dla piensijaniera i spravakavała sardečny prystup, — skazała Alena Sakałova.

Inśpiektar DPS adździaleńnia DAI Vilejskaha RAUS Mikałaj Traćciak vyjazdžaŭ na miesca zdareńnia. Jon udakładniŭ:

- UAZ, jaki vioz piensijaniera, - mašyna chutkaj miedycynskaj dapamohi. Jana viezła staroha pacyjenta z pasiołka Partyzanskaha ŭ balnicu. Adrazu paśla avaryi ź Vilejki vyklikali inšuju mašynu chutkaj dapamohi. Jana zabrała pacyjenta i dastaviła jaho da stacyjanara.

Клас
0
Панылы сорам
0
Ха-ха
0
Ого
0
Сумна
0
Абуральна
0