Pucin z udavoj Kabzona Ninel, fota z sajta kremlin.ru
Prezident Rasii Uładzimir Pucin i premjer-ministr Dźmitryj Miadźviedzieŭ pryjechali na cyrymoniju raźvitańnia z narodnym artystam SSSR, deputatam Dziarždumy Iosifam Kabzonam, pieradaje RBK.
Cyrymonija prachodzić u maskoŭskaj Kancertnaj zale imia Čajkoŭskaha. Na raźvitańnie z artystam taksama pryjšli pres-sakratar prezidenta Dźmitryj Piaskoŭ i mer stalicy Siarhiej Sabianin.
Truna Kabzona, akružanaja viankami ad kaleh i siabroŭ, raźmieščana na scenie. Tam ža razam sa svajakami siadzić pieršaja žančyna-kasmanaŭt Valancina Cieraškova. Ušanavać pamiać Kabzona pryjšli dziasiatki čałaviek, siarod ich kiraŭnik frakcyi «Adzinaja Rasija» u Dziarždumie Siarhiej Niavieraŭ, śpiavačka Valeryja z mužam Iosifam Pryhožynym, śpiavak Aleh Hazmanaŭ i mnohija inšyja.
Iosif Kabzon pamior 30 žniŭnia ad ankałahičnaha zachvorvańnia na 81-m hodzie žyćcia. Rak dyjahnastavali ŭ artysta ŭ 2005 hodzie. Z hetaha času Kabzon prajšoŭ praź dźvie apieracyi i chimijaterapiju.
