Pavieł Piatroŭ, maestra Płasida Daminha i śpiavačka Emili D'Anžeła. Fota z sacyjalnych sietak

Pavieł Piatroŭ, maestra Płasida Daminha i śpiavačka Emili D'Anžeła. Fota z sacyjalnych sietak

Biełaruski tenar Pavieł Piatroŭ staŭ pieramožcam suśvietnaha konkursu opiery Operalia 2018, jaki prajšoŭ nadoječy ŭ Lisabonie i jaki ładzić sam Płasida Daminha, piša Jeŭraradyjo.

Pavieł Piatroŭ — minčanin, vypusknik Biełaruskaj akademii muzyki. Jamu 27 hadoŭ. Jašče na druhim kursie jon pačaŭ pracavać u minskim teatry opiery i vykonvać viadučyja partyi ŭ śpiektaklach — Lenskaha ŭ «Jaŭhienie Aniehinie», Alfreda ŭ «Travijacie», Łykava ŭ «Carskaj niavieście». Ciapier vystupaje ŭ teatrach Ciurycha, Hraca, Zalcburha, Bucharesta. Da hetaha stanaviŭsia łaŭreatam mižnarodnych konkursaŭ u Łatvii, Aŭstryi, Polščy, Rasii, Małdovie. 

Pra svaju pieramohu jon napisaŭ u Fejsbuku: 

«Ja chaču vykazać vialikuju ŭdziačnaść maestra Płasida Daminha, kankurentam «Opieralii», usim siabram žury i ŭsim, chto mianie padtrymlivaŭ! Heta vielizarnaje dasiahnieńnie dla mianie, ja vielmi ščaślivy i hanarlivy!!!»

Samy znakamity ŭ śviecie konkurs maładych opiernych śpievakoŭ byŭ zasnavany ŭ 1993 hodzie Płasida Daminha. Jaho ofis mieścicca ŭ Paryžy, a sam konkurs štohod pravodzicca ŭ roznych haradach śvietu. U konkursie biaruć udzieł śpievaki ad 18 da 32 hadoŭ, jakija ŭžo zarekamiendavali siabie jak prafiesijanały. Dla ŭdziełu śpievaki dasyłajuć svaje aŭdyjozapisy, i tolki 40 lepšych mohuć paŭdzielničać u samim spabornictvie. Niepasredna konkurs składajecca z čatyroch etapaŭ. U finale kankursanty śpiavajuć z arkiestram, jakim dyryžyruje sam Płasida Daminha.

Cikava, što ŭ konkursie zachavany hiendarny bałans: u kožnaj naminacyi ŭznaharodžvajucca i mužčyny, i žančyny. Pieršaje miesca razam z Paŭłam zaniała amierykana-kanadskaja mieca-saprana Emili D'Anžeła. 

Taksama Pavieł atrymaŭ pryz, zasnavany ŭ honar baćki Płasida Daminha, The Don Plácido Domingo Ferrer Prize of Zarzuela. Im ža ŭhanaravany partuhalski tenar Łuis Homies.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?