Prezident Ukrainy Piatro Parašenka zajaviŭ, što Damova ab siabroŭstvie, supracoŭnictvie i partniorstvie z Rasijaj nie razryvajecca, a prypyniaje dziejańnie praź jaje niepraciahnieńnie.

Pra heta Parašenka paviedamiŭ padčas sustrečy ź lidarami frakcyj Viarchoŭnaj Rady ŭ Administracyi prezidenta.

«Padkreślivaju, što jana (damova - UP) nie razryvajecca, pakolki heta składanaja i doŭhaja pracedura, a jana spyniaje svajo dziejańnie ŭ suviazi ź niepraciahnieńniem», - skazaŭ Parašenka.

Painfarmavać rasijski bok pra heta Parašenka płanuje da 30 vieraśnia.

Jak paviedamlałasia, Parašenka padčas narady z kiraŭnikami zamiežnych dypłamatyčnych ustanoŭ Ukrainy zajaviŭ, što daručyŭ MZS Ukrainy rychtavacca da razryvu bazavaj damovy pra siabroŭstva z RF.

Damova była padpisanaja ŭ 1997 terminam na 10 hadoŭ. Jana ŭstupiła ŭ siłu 1 krasavika 1999 hoda. Dziejańnie damovy aŭtamatyčna praciahvajecca na nastupnyja dziesiacihadovyja pieryjady, kali nivodzin z bakoŭ nie zajavić ab žadanni spynić jaje dziejańnie nie mienš čym za šeść miesiacaŭ da zakančeńnia čarhovaha pieryjadu.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?