Pobač z aeraportam Le-Burže ŭ pryharadzie Paryža troch rasijanaŭ abrabavali na sumu ad 500 tysiač da miljona jeŭra. Pra heta paviedamlajuć Europe 1 i RTL sa spasyłkaj na nienazvanyja krynicy. U paciarpiełych adabrali try valizki z kaštoŭnaściami i darahimi rečami.
Rabavańnie adbyłosia 3 vieraśnia prykładna 22:30 pa miascovym časie. Troje rasijskich turystaŭ, jakija prylacieli ź Nicy, vyjechali ź Le-Burže na taksi. Pa dadzienych Europe 1, ich mašynu na darozie šturchnuła inšaja, ź jakoj vyjšli čaćviora mužčyn u maskach.
Pahražajučy pasažyram taksi, jany adabrali ŭ ich bahaž, mabilnyja telefony i sumku. Taksist sprabavaŭ źniać napad na telefon, ale, zaŭvažyŭšy heta, złačyncy adabrali ŭ jaho telefon. Pavodle infarmacyi Le Parisien, napadniki byli ŭzbrojenyja.
Rasijanie źviarnulisia ŭ palicyju i zajavili, što ŭ ich u bahažy byli kaštoŭnaści i darahaja vopratka. Ahulnuju škodu jany acanili ŭ miežach ad paŭmiljona da miljona jeŭra.
Pa dadzienych RTL, aŭtamabil rabaŭnikoŭ spačatku niekatory čas jechaŭ za taksi z rasijanami. Radyjostancyja adznačaje, što złačyncy mahli być dobra infarmavanyja ab ruchach rasijanaŭ.